Page 6 - KPA
P. 6
EDITORIAL: Polis man mara pa actua
contra ilegalnan
June 21, 2017
332
0
SHARE
Facebook
Twitter
- Advertisement -
Kico ta pasando cu nos “Aruba dushi tera”!. Esey ta un reclamo cu mas y mas ta
scuchando den pueblo y comercio. Ta parce cu nos cultura, nos moral, disciplina y
respet ta bayendo perdi, door di e tanto influencia di exterior. E cantidad di
extranheronan ilegal cu ta drentando nos dushi isla ta causando panico den henter
comunidad.
Famianan ta sinti nan mes cera den nan propio cas, caminda mester busca camera di
seguridad, traha tralinan na bentana, lanta cura, busca cacho, pa asina por tin un tiki
paz den bo mesun cas.
Unda nos ta bay! Kico Gobierno ta haciendo pa para tur e panico cu e ilegalnan ta
creando riba nos isla. Ta cuanto mas asalto arma na negoshi y hasta na cas di famia
mester sosode! Cuanto mas e pueblo por soporta!
