Page 82 - KPA

Minister Arthur Dowers a haya sosten amplio pa ley di
cambio den trafico

Tuesday, 20 June 2017 21:39
Comparti

Minister Arthur Dowers tabata den Staten hunto cu fraccion di AVP, cu a duna sosten amplio na e ley di cambio di
trafico cu a propone.

A bin cu un proposicion pa cambia ley di tal forma, cu un persona cu comete cierto infraccion den trafico, cu e por
wordo poni den voorlopig hechtenis. E castigo a subi di 2 pa 4 aña. Mas importante ta e amiendanan cu a bin
tambe acerca, pasobra cu eseynan tin embergadura toch hopi grandi pa comunidad. Asina cu a cambia e ley, cu
antes tabata posibel cu por a bandona un sitio di accidente, si a pone na conocemento di e otro persona ken bo ta
y bo auto ta suficientemente identifica lo bo por a bandona e sitio di accidente. Den pasado esey sr. Besaril a
wordo tilda di dje, cu el a bandona un sitio di accidente dado momentom, pasobra el a sali for di actividadnan
nocturno y esey a buta toch cu fraccion di AVP cu un sentimento amargo cu nan ta bisa cu e lo tabata bao di
influencia y pa esey el a bandona e sitio.

Pa e motibo ey nan a bin cu un amienda caminda cu nan ta bisa awor aki den e ley cu bo no por bandona sitio di
accidente si e persona cu bo a causa accidente cun’e ta herida of cu tin dañonan severo na su persona of na su
vehiculo, of si e persona aki tin indicacion cu e por a fayece.

Bo mester keda na e sitio y un parti importante cu ta wordo agrega cu no unicamente e persona cu ta envolvi den
e accidente, pero e persona cu a causa e accidente tambe mester keda na e sitio.
Awor aki tin e obligacion legal pa keda na e sitio di accidente te ora cu autoridad cu ta atende cu accidente yega.

Tambe a adapta un otro aspecto di ley, cu awor aki ta prohibi pa bo uza celular na momento cu bo ta core auto.
Bo no mag di tin un celular den bo man. Si ta asina bo por uza bo sistema den bo auto. Pero si polis hayabo cu un
celular den bo man, sea cu bo ta uze na e momento ey of no ta uz’e, e ta bira un situacion fastioso p’abo. Na
momento cu bo tin celular den bo mas, polis por bay over na verbalisabo. Tin un campaña den e dianan cu ta sigui
pa informa comunidad amplio riba esaki. Importante ta cu si bo causa un accidente of ta parti di un accidente cu
ta di un situacion di gravedad, tin cu keda eynan presente, warda autoridad of otro instancia cu ta haya e
autoridad pa atende cu accidente, yega y si bo wordo haya cu un celular den man, lo bo conta cu un proces
verbaal di parti di polis.