Page 38 - Djaluna 26 februari 2018.pdf

38 Djaluna 26 Febrüari 2018
Kontinuashon di pagina 37
Ekspertonan ta kritiká mal

i su konseheronan
mester ta mas
kouteloso den e kaso
aki ku ehekushon di e
proyektonan aki ku ta
sumamente kostoso.

Ayera EXTRA a kore
rònt i a mira ku en bèrdat
na diferente sitio awa ta
keda para pa oranan largu.
Diferente outomobilista ta
haña nan ta hasi diferente
maniobra den tráfiko pa
evitá plasnan di awa.
Hopi biaha nan ta hinka
den bida i otronan den
peliger komo konsekuensia
di e echo ku nan ta bai
kore na man kontrali. Ku
kaminda muhá, esei ta
trese un peliger adishonal
na diferente sitio.
Un ‘landmeter’ a bisa
EXTRA ku e ta kere ku
no ta atendé e trabounan
debidamente. E mes ta
haña ku gobièrnu no
mester paga e suma
kompleto pa drechamentu
di kaminda pero mas bien
un parti so.
Despues k u e
drechamentu di kaminda
pasa e tèst di áwaseru
e ora ei numa mester
paga e sobrá. “Nos no a
ripará kon defisiente e
drechamentu di kaminda
ta komo ku awa no a kai
pa hopi tempu.
Pero awor aki ku awa
a kai por tuma nota di e
situashon serio aki”, asina
el a splika.
Un otro punto
importante di peliger ta
lodo i piedra ku ta bin riba
kaminda.
Tin tambe kamindanan
ku tabata marká pero tur e
markanan a bai. Ora awa
kai tin tambe e peliger ku
no ta mira e burakunan
den awa loke por hasi
daño bou di outonan.
Tambe na diferente sitio
tin kusinchinan ku a lòs
i tambe opstákulonan pa
evitá ku outo ta kore duru
ku no ta bon indiká. Na e
kaminda pa Montaña un
kusinchi kompleto a haña
sla grandi i a kuminsá
plama for di otro, kreando
peligernan serio pa tráfiko.
Tur e tipo di
sirkunstansianan aki ku
ta presentando ta motibu
pa EXTRA pidi tur hende
pa ora nan ta koriendo
riba kaya nan ta èkstra
kouteloso den e dianan
aki, prinsipalmente na
momentu ku awa ta kai.