Page 51 - Djaluna 26 februari 2018.pdf

Djaluna 26 Febrüari 2018 51

Representante Turismo na Colombia
Mester di mas kupo pa trese

turistanan for di Colombia

WILLEMSTAD.- E
representante di turismo
di Kòrsou na Colombia,
Victora Dapena a pidi
kompanianan di aviashon
pa nan implementá mas
buelo pa Kòrsou. “Ta esei
ta frenando turismo for di
Colombia pa Kòrsou, asina
Dapena a bisa.
Dapena a bisa ku anke
turismo for di Colombia
pa Kòrsou a dupliká den
último 10 aña, e problema
pa sigui ekspandé e oferta
ta eskases di buelo i falta
di kupo. “Nos ta dependé
di Avianca i Copa awor aki.
InselAir tambe a stòp pa
motibu di e problemanan
na Venezuela, su merkado
prinsipal”, asina e ta bisa.
Segun el a splika,
e ko mpania tabata
transportá 1300 pasahero
pa luna ku awor aki
Copa i Avianca a tuma
ku un okupashon di 85
porshento. “P’esei nos
meta ta pa interesá mas
kompania pa bishitá
Kòrsou. Of kisas e dos
kompanianan lo mester
amplia nan kapasidat di
buelo, loke tambe ta un
posibilidat. Nos no por
pèrdè e esfuerso ku nos ta
hasiendo pa falta di kupo.
Te awor aki turismo di
Colombia ta kresiendo ku 7
porshento pa aña”, segun
el a splika.
Dapena a bisa ku awor
aki Kòrsou ta hasiendo
un promoshon riba su
mes. A ntes e promoshon
tabata tuma lugá den
koperashon ku Aruba i
Boneiru. Awor aki Kòrsou
lo no presentá solo i playa
so pero tambe invershon,
trabou, kompra i turismo
korporativo. “Nos ta sigui
traha riba independensia
i diferensiashon di marka
ku énfasis riba e aspekto
kultural.
El a remarká ku Kòrsou
ta ofresé invershon
den negoshi i benta di
propiedat, prinsipalmente
awor aki ku Venezuela
a sera su fronteranan.
Tin posibilidat entre otro
riba tereno di konsumo i
Colombia tin e produktonan
ku Kòrsou mester. E
delegashon amplio ku a
promové Kòrsou siman
pasa na Colombia a regresá
Kòrsou den fin di siman.