Page 47 - CMB

Ainda tin confusion cerca hopi ciudadano relaciona cu e asunto di e banconan, pasobra
no a bin claridad riba esey, si e 6% lo afecta e salarionan cu hende ta lanta via ATM,
entre otro transaccionnan.

Delaster un cos ta bay bira substancialmente mas costoso. Hende cu ta hiba paña
drecha cerca cosedor ya a wordo adverti caba cu un simple som di carzon ta bay costa
20 florin, mescos pa drechamento di zapato, y asina mas cos cu ta parce servicionan
simple lo bira hopi caro. Apesar cu gobierno a bisa cu no ta cu 6% mester aumenta e

servicionan, esnan cu ta brinda servicio ta parce cu no ta compronde mucho bon of kier
probecha, pero hecho ta cu e aumentonan aki lo wordo sinti drasticamente.

Mientras tanto salario en general no ta subi. Un biaha mas a bin dilanti cu e clase media

ta bay disparce por completo. Esnan cu entrada minimo of cu ta biba solamente di
pension di AOV sin cu tin un entrada adicional ni sikiera chikito ta bay haya un “cachi
cachi” acerca, pero e clase medio cu tin kizas hopi mas gasto, of cu nan nivel di bida ta
un tiki mas halto pasobra nan tin un salario un tiki mas cu minimo (gana cu hopi

esfuerzo) ta sigui keda atras, pasobra pa mas cu 20 aña largo costo di bida ta subi pero
nan salario a stanca, ta den status quo total!

Pues, asina tin mas comentario cu ta drentando y no tin duda cu lo sigui drenta e siman

aki for di opinion publico y ban wak anto kico e pueblo consumidor ta bay experiencia
for di entrante 1 di Juli. Facil pa bisa ban hala faha mara, pero un cos diferente ta wak
di unda por hala faha mara mas ainda di locual ta e caso ya caba, den hopi hogar!