Page 49 - MIN ON 16nov,2015
P. 49
A introduci "Nationale Gedragscode Onderwijs" pa tur scol di
Aruba
Sunday, 15 November 2015 19:06
Comparti
Na luna di mei 2015 Minister Michelle Hooyboer-Winklaar a instala e Protocol Nacional di Comportacion
pa Enseñansa na Aruba (Nationale Gedragscode Onderwijs Aruba 2015).
E “Commissie Gedragscode” ta consisti di 13 diferente stakeholders, entre otro, representantenan di e
directivanan di scol mas grandi, esta Stichting Katholiek OnderwijsAruba(SKOA), Stichting Protestant
Christelijk Onderwijs Aruba (SPCOA), Stichting Middelbaar Onderwijs Aruba (SMOA), Stichting
Educacion Profesional Basico (SEPB) y Dienst Publieke Scholen (DPS), Instituto Pedagogico Arubano
(IPA), Sindicato di Maestronan Arubano (SIMAR), Directie Onderwijs (DO), Tienda di Educacion (TDE),
Stichting Arubaanse Kinder- en Jeugdtelefoon (Telefon pa Hubentud), Stichting Fundacion Respeta Mi,
Ministerio di Husticia y Ministerio di Enseñansa y Famia.
Pa lunanan e comision a reuni hunto pa asina yega na e producto final cu awo ta cla pa presenta na tur
scol na un nivel nacional.
Apesar di diferente desaroyo positivo den Enseñansa manera e concepto di Scol Saludabel, e concepto di
“Veilige School”, protocolnan contra termento na scol, e uzo di e metodo di Disciplina Consciente y
existencia di reglamentonan di cada directiva di scol, ainda tin incidentenan cu ta tuma luga y a crea e
necesidad pa yega na protocolnan na nivel nacional. Esaki a crea claridad pa tur instancia uni y yega na
consenso riba kico ta e comportacion cu ta aceptabel na scol y ta aplicabel pa mayor, studiante, maestro y
directiva di scol.
Cu e protocol aki ta trece claridad entre otro den kico ta aceptabel y kico no ta aceptabel, kico ta e
derechonan y kico ta e debernan di tur esunnan envolvi den e bida diario na un scol y riba tur cos pa crea
un clima positivo y sigur (safe) den cada scol.
Alabes tin un liña di comprendemento y procedura con pa actua y cana den diferente area di educacion,
pa asina evita cu ta salta y of mal interpreta e manera corecto di procede den cada situacion.
Den un termino di 5 luna e comision a logra entrega e proposicion haci dor di Minister. Prome siman di
November a tuma luga un “follow up” cu e directornan di schoolbesturen y directornan di stichtingen. Aki
ta unda a palabra ki tempo specifico cada actor lo haya sa nan derecho y debernan pa loke ta trata e
Nationale Gedragscode Onderwijs Aruba.
Departamento di Inspectie tambe ta envolvi den e Nationale Gedragscode unda nan ta na altura di e
procedura y pa tene na cuenta con pa atende cu e pasonan cu mester cana dor di cada actor.
Directornan lo pasa tur informacion pa tur cabesantenan di scol y di aki e cabesantenan lo pasa e
informacion pa e team completo di scol, na e mayornan y alumnonan. Esaki lo tuma luga prome cu scol
cera pa e fin di aña aki 2015, esta “kerstvakantie”.
