Page 57 - MIN ON 16nov,2015

SIMAR ta yama reunion URGENTE pa maestronan di scolnan di
SKOA!

Sunday, 15 November 2015 20:16

Maestronan di SKOA ta preocupa pa e situacion alarmante di nan scolnan.
Lo no dura hopi tempo pa material caba. Tin algun scol cu ya ta den
problema cu cierto articulonan a caba; manera papel pa copia, toner,
material di limpiesa y papel di wc etc.

Mientras cuentanan di SKOA ya a cuminsa cera. Actividadnan no por tuma
lugar manera custumber ya cu no tin fondo y no por usa e poco entrada cu a
ricibi di mayornan. Esaki ta debi na e sentencia di huez den e caso di algun
mayor contra SKOA y tambe na e echo cu ta sperando resultado di e
“bodemprocedure”. Maestronan cu semper a percura pa tur cos cana nechi
dunando di nan parti, entre otro hincando man den nan propio cartera y
recaudando fondo na diferente forma, a cansa di e situacion penoso aki. Pa
e motibonan aki, SIMAR como sindicato cu semper ta traha pa bienestar di
enseñansa en general, ta haci un yamada na maestronan di scolnan di
SKOA pa asisti na un reunion URGENTE cual lo tuma lugar diamars 17 di
november pa 7:00 pm na cede di SIMAR na Sabana Blanco.

Den e reunion aki lo trata entre otro e puntonan cu ta preocupa SIMAR lo
duna espacio na e maestronan pa expresa nan puntonan di preocupacion.
Tanto miembro, como no-miembro ta bon bini na e reunion aki. Un boca
bisa otro. Trece bo colega. Bo presencia lo ta aprecia.