Page 4 - AM231230

4 LOCAL AWEMainta Diasabra, 30 December 2023

Pareha di edad a perde tur cos

Candela feroz a destrui cas por completo

iahuebs anochi mas o menos rond di 10’or y 15 alarma a wordo bati pa
Dun cas na candela, net pabou di rotonde di Santa Cruz. Mesora unidad-

nan di Brandweer y tambe di polis a sali pa dicho cas; y berdad na yegada
ta confirma cu e cas cu yen mata pabou di Botica Maria ta completamente
na candela.

Ta trata di un meneer masha conoci mes den Santa Cruz, esta Archi. E
cabayero aki hunto cu su señora tawata paden, ora cu nan a haya holo di
huma. Mester remarca cu ta trata di dos persona di edad. Asina mes nan a
sali mesora di e cas, unda cu e candela parce lo a cuminsa den e veranda

y expande.

E caminda cu ta pasa dilanti e cas a wordo cera ambos banda, tanto di
rotonde Santa Cruz y e crusada di Notaris Tromp. Bomberonan cu a yega

den e unidadnan mesora a drenta accion y alabes a solicita pa ambulance,
mirando e cu e pareha tawata hopi emociona y posiblemente te hasta por
a inhala huma.

Dos ambulance a presenta na e sitio pa atende cu e pareha y despues lo a
sali cu nan pa Hospital. Sra. Rodriguez di Slachtofferhulp a wordo poni na
altura tambe pa vang op e pareha aki cu a perde por bisa tur locual nan
tawata tin.

Imagina tur nan recuerdonan di acumula di
henter nan bida perdi den e un candela tres dia
prome cu aña ta caba. Investigacion lo mester
saca afo ta kico por a cuminsa e candela y

cu esaki a expande asina lihe, consumiendo e
cas por completo.