Page 18 - Awemainta21Nov2015

18 AWEMainta Diasabra, 21 November 2015

AHATA
celebrando
su di 50
aniversario

SIMAN PASA diabierna, AHATA a celebra

su 50 aniversario den ballroom di Marriott.
Tabata un evento enorme cu mas di 150 hotel
y miembro aliado dunando acto di presencia.
Despues cu sr. Tom Calame, GM di e compleho
Turistico di Marriott y Presidente di AHATA a
yama bon-bini na sr. Otmar Oduber, Minister
di Turismo, Transport, Cultura y Sector
Primario, sr. Angel Bermudez, Minister di
Finansa y Organisacion Gubernamental como
tambe na tur invitado, sr. Jim Hepple, CEO di
AHATA a subi podium pa dirigi algun palabra
cortico y alabes hopi informativo riba e
historia di AHATA y su contribucion n’e sector
turistico di Aruba.

Palabranan di pabien y aprecio a keda
extende na Vanessa Rasmussen di AHATA
pa su esfuersonan diario den e asociacion y
specialmente pa organisa e evento aki. Sr.
Ewald Biemans, Presidente y propietario
di Bucuti y Tara Beach Resort, a ricibi un
Lifetime
Achievement Award como reconocemento
pa su trabou y esfuersonan incansabel pa cu
AHATA y e industria turistico en general.

Na final di e programa oficial, tur invitado a
keda cordialmente invita pa participa na un
bufet deliciosamente prepara y pa tuma
asiento na un di e mesanan espectacularmente
decora pa ningun otro cu Fernando Mansur
di House of Mosaic; Aruba su mas excelente
artista den decoracion interior.E evento di
mercadeo aki a permiti hopi di AHATA su
miembronan pa topa, intercambia y comparti
nan recuerdo y experiencianan cu AHATA
den un ambiente amistoso y hospitalario.

AHATA kier a gradici un y tur cu a duna acto
di presencia n’e ocasion importante aki y ta
mira e siguiente 50 añanan su dilanti cu grato
placer.