Page 7 - AB

DIASABRA 1 MAART 2025 DIARIO PAGINA 27
Quadracer

na Bonaire

a bay dal

den autonan

staciona

KRALENDIJK: Diamars
atardi, Central di Polis na
Bonaire a manda un unidad
rumbo pa Kaya Irlanda pa
check un accident, unda 3
vehiculo ta envolvi.
E unidad di Polis cu a yega,
a bin nota cu ta e mane-
hador di un vehiculo ATV
(“Quadracer”) a perde con-
trol, y violentamente a bay
dal contra dos auto cu tabata
staciona banda di caminda.
Polis a pidi e manehador di
e Quadracer pa su rijbewijs,
pero a resulta cu e no tin e
rijbewijs corecto pa maneha
esaki. Pa colmo e Quadracer
no tin plachi di number, y
tampoco tin aseguro valido.
El a haya un boet pa esaki,
y tur e gasto di daño material
na e otro autonan ta bay cay
awor riba su schouder, y aki
ta papia di un suma balente
di placa.

Suriname

tumando

accion contra

bendedornan

riba caya

PARAMARIBO: Un asi-
na yama Crisisteam di e
comisariado di distrito di
Paramaribo-Noordoost, a
cuminza cu un accion riba
caya y a duna ordo pa var-
ios bendedor ambulante cu
ta pone stoel y bende nan
fruta y berdura fresco riba
caya, tin di lanta bay y no
regresa e lugar ey mas.
Nan a core cu algun re-
bendedor for di e parti pafo
di e asina yama ‘Vreedzaam
Markt’. Nan tabata habri
mesa y stoel pafo di esey,
pa bende nan productonan.
Autoridad a pasa haci
chekeo, y durante control
e agentenan a bin haya ber-
dura scondi den un toilet. E
berduranan aki a resulta di
ta pertenece na e bendedor-
nan ambulante aki, y me-
sora a confisca nan.