Page 23 - AM221219

Dialuna, 19 December 2022 AWEMainta
El a haya retiro na Hulanda
Marinier aña pasa a insulta colega muhe horiblemente!
WILLEMSTAD - Dialuna ultimo e tribunal militar cu ta
forma parti di Corte di Husticia di Gelderland a condene
un militar Hulandes di 28 aña na 100 dia di trabou forsa
y pago di 1500 Euro pa daño y perhuicio ne victima di su
mal comportacion durante un incidente cu a tuma luga aña
pasa den oranan di marduga den horiblemente dormitorio
di e base militar na na Parera y caminda e militar bou di su
awa a insulta dos colega femenino mustrando su ‘yombi’ y a
yama nan prostituta dilanti di varios colega. Un rato despues
el a gara un otro militar femenino cu ambos man na su pols
y kier a oblige pa tene relacion sexual cune pero esaki a
mande viercant den su moer y ta coleganan mester a bin na
rescate dje colega muhe.
E suceso aki a sosode aña pasa den anochi di 1 pa 2 di
februari na Marinebasis Parera caminda e militar a comporte
manera un toro manzinga cu kier monta un colega muhe y
a insulta otro personalmente di un forma hopi denigrante.
E siman aki a toca ne militar pa enfrenta consecuencia di
su acto baho y vulgar y den su sentencia dialuna ultimo e
tribunal di Gelderland a condena e militar na 100 ora di
trabou forsa pero no a concede e militar victima un compen-
sacion di € 17.733,93 manera el a pidi. E demanda ey ta pa
trata den un corte civil. Y mientras e tabata den su huma di
alcohol y exitacion sexual e tabata grite “mi ta bay clab’e
riba suela, y “...abo ke .... bo ta para aki nan ta pa mi ....
cu bo” y el a bira coy e muhe tene na su polsnan keto bay
insistiendo pa e marinier tene relacion cune. Fiscal a splica
e tribunal cu e acusado a comete e delito di cual ta acus’e
pero su abogado a pidi su exoneracion pasobra no tin sufici-
ente prueba apesar cu tabatin un grupo di marinier reuni ne
oranan trempan di marduga ta bebe y combersa.
KICO A PASA PROME
Parce cu e anochi di 1 februari aña pasa e marinier abusado a
bebe basta alcohol y tabata molestia su coleganan femenino
CORSOU 23
balentemente. E anochi tabata masha desagradabel y tur e
coleganan presente a sinti panico pasobra cu su comporta-
cion e marinier a viola nan integridad personal dje marini-
ernan femenino. El a comporta su mes di un manera cu ta
intolerabel cu e profesion di marinier y e mester a realisa cu
loke el a haci ta fuera di tur proporcion.
Loke tambe e tribunal a tuma e marinier masha na malo ta cu
su coleganan marinier mester a domine pa evita cu e kier a
bay tras di e dos mariniernan femenino. Cu su comportacion
ela traspasa tur limite di honor di su coleganan y reglanan di
comportacion cu ta conta pa Marinier.
E comportacion animalesco cu e marinier a desplega a afecta
no solamente imagen di Ministerio di Defensa Hulandes sino
cu un dje victimanan a keda cu trauma y ta sinti sintoma di
miedo y panico loke a afecta su trabou. Ademas e tribunal
militar a tene cuenta cu e hecho cu e marinier a haya retiro
pa loke el a haci y awor ta consciente cu loke el a haci ta
inaceptabel. E abogado a pidi pa dicta parti dje castigo
condicional pero e huesnan no kier a tende di esaki.
E segundo victima cu a bira malo y sufri di stress traumatico
cu ta consecuencia di algo teribel cu a sosode cune y cu e no
por lubida y ta pone cu e ta biba cu miedo, rabia y cu verd-
riet.
COMPENSACION
E prome victima a haci un demanda financiero hopi fuerte y
e parti di compensacion a keda analisa pa tanto e tribunal
como e abogado defensor kendenan tur a rechasa e demanda
financiero. E huesnan tambe a haya cu e suma ta exagera
pasobra e victima no por proba ta cuanto daño y perhuicio
el a sufri como resultado di loke a pasa. Loke si e victima por
haci ta entrega un demanda na corte civil pa haya compen-
sacion pa e biahenan cu e no por a haci bordo di barco.
Mas leu cu nan por yega pa concede daño y perhuicio ta
1500 Euro cu e marinier mester paga sino nan ta priv’e 50
dia di su libertad.