Page 13 - AWEMAINTA
P. 13
AWEMainta Diaranson, 26 Juli 2017 13
“Bounty” ta for di Spaanse Water
Un team special a yuda cu e proyecto aki
WILLEMSTAD - Riba iniciativa di Curaçao Ports Authority
(CPA) a start dia 8 di jüni último cu e preparacionnan pa saca e
boto di bela “Bounty” for di awanan di Spaanse Water cu a hundi
na 2015. A pone ponton, còntainer y un “mini excavator” n’e sitio.
Un team consistente di CPA, Ministerio di Defensa, Haven-en
Veiligheids Inspectie (HVI), Kompania di Tou Kòrsou (KTK),
Curaçao Industrial Diving (CID) y SeaHarbor Services Curaçao
a haci esaki posibel y cu entre tanto a terminá dia 5 di jüli.
P’e proyecto aki Ministerio di Defensa a manda un team di bushi
(special) for di Hulanda pa bin asistí cu e trabou aki como parti
di nan training.
Un danki special ta bay n’e team di Koninklijke Marine cu a haci
un tremendo trabou.
E boto di bela aki a ser construí na Canada den 1982 y tabatin
un grandura di 17.5 meter largo, 5.98 meter hancho y 2.83 meter
hundo.
Riba e pòtrètnan por mira con e boto di bela tabata den su estado
original y tambe na momento di preparacion y durante di saca-
mento di e boto di bela riba awa y bou di awa.
