Page 90 - MIN ON NOV 20,2015
P. 90
Djabièrnè 20 Novèmber 2015 43
KOMITE
NASHONNAN
UNI PREKUPA
PA SITUASHON
MUCHANAN DI
KORSOU
...Rapòrt na
Ginebra ta saka
konklushonnan
ku no a respetá...
WILLEMSTAD.- Si nos
ta papia di konsistensha pa
yega na un maneho sano
ku ta protehá derechi di
mucha, anto mester wak
esaki na su rais. Esei ta un di
e motibunan pakiko EXTRA
a bai buska detayenan di e
reunion ku komité Derechi
di Mucha di Nashonnan Uní
a tene na Ginebra dia 27 di
mei último. Papia ta bon, pero
pone kosnan den akshon i
perspektiva real ta otro.
P’esei nos ke publiká e algun
di e rekomendashonnan di e
komité pa ku e situashon di
muchanan di Kòrsou.
Dia 27 di mei último
un delegashon ku ta di
e diferente partnernan
den Reino a partisipá na
e di reunion di Komité di
Nashonnan Uní tokante e
tratado di Derechi di Mucha.
Manera ta konosí, Reino
tin di raportá kada 5 aña
na e Komité di Derechi di
Mucha tokante e progreso
i situashon di derechi di
mucha den Reino. Na e
okashon aki a trata e di
kuater rapòrt di e tratado di
mucha ku Kòrsou a entregá.
Den e rekomendashon e
komité tabata satisfecho
ku e echo ku Reino a
ratifiká diferente protokòl
opshonal i/o konvenshonnan
internashonal i tambe
diferente instrumentonan
di maneho ku a introdusí
riba e área di derechi di
mucha den e diferente
partnernan de reino.E Komité
a hala atenshon di Reino
(inkluyendo pais Kòrsou)
pa inkumplimentu ku tur e
rekomendashonnan di 2009
di e Komité. Un di e puntonan
krusial ku EXTRA ta saka for
di e rapòrt ta, ku e komité ta
preokupá ku e situashon di
muchanan na Kòrsou i den
su rekomendashonnan ta
urgí atenshon pa diferente
aspekto di e tratado di
mucha. Prinsipalmente
áreanan di pobresa violensha
i edukashon. Den nos edishon
di Mañan EXTRA ta sigui
elaborá.
