Page 52 - MIN.TTC AUG 31,2015

AWEMainta Dialuna, 31 Augustus 2015 23

i apertura di “Lens di Mi Wowonan”

DIASABRA anochi, tabatin un otro aperture, e di 8 exposicion, di Lens di Mi

Wowonan, cu ta un proyecto cu Leo Vrolijk a cuminsa 8 aña pasa, relaciona cu
celebracion di Dia di Prensa, despues di a sinti un bashi pa celebra Dia di Prensa.
Den presencia di e.o. Country Manager di RBC, Pierre Rafini, lider di MEP,
Evelyn Wever-Croes, unico Parlamentario di tur cu a keda invita y demas co-
leganan di prensa, e apertura a keda efectua pa sres. Robby Burleson y Harry
Croes, na kendenan e expo aki a keda dedica.

Den su discurso, Leo Vrolijk a bisa e.o. cu tur esaki a cuminsa cu esaki, pa haci
algo pa pueblo mira via di potretnan, e trabao di prensa, maske cu esaki so no
ta trabao di un periodista, pero mas bien di un fotografo cu ta forma parti di
un departamento di prensa.
Manera un conoci dimi semper ta bisa: Un potret ta bal 1000 palabra y den e
era moderno aki, e frase aki ta haya mas significacion, pasobra un articulo sin
potret, ta mescos un webo sin salu.

Lens di Mi Wowonan a nace tambe, pasobra no tin nada mas pa miembronan di
prensa, conmemora nan dia. Deseo lo tabata pa manera antes, organisacionnan
di prensa cu tabatin, organisa hasta un tipo di congreso, cu oradornan sea local
of internacional, pa siña mas di e bunita trabao aki.
Pero meramente pa diferencianan di opinion y sigur di caracter, cu tin bao di
e propietarionan di e medionan di comunicacion, a trece tambe un ruptura
bao di e propio periodistanan. Algo di lamenta, pero kico por haci pa dreche?

Contesta Leo Vrolijk a bisa di no tin, pasobra tur aña bo ta tende cu mester re-
activa nos club di prensa, pero kende kier tuma e iniciativa? Ningun di boso aki.
Anto asina nos tin cu sigui, y pesey e exposicion di Lens di mi Wowonan lo sigui
tur aña, tanten cu e por sigui organis’e.
Pero den esaki no te so. Ta danki n’e fotografonan cu ta contribui tur aña cu
nan mihor fotonan, pa organisa e exposicion aki.
Danki tambe na Checkpoint Color, na cual empresa e expo aki tambe ta dedica,
celebrando 45 aña di existencia.

Checkpoint Color tabata determinante, ora cu corantnan a cuminsa imprimi
na color, pero cu a lo largo a facilita trabao di hopi fotografo cu tabata “laba”
nan film y slide den nan baño.
Leo Vrolijk no por lubida e dos fotografonan, manera Robby Burleson y Harry
Croes na kendenan e expo e aña aki ta dedica.
Last but not least, publicamente mester duna danki na RBC su gerencia, cu for
di un principio a bin ta sostene e proyecto Lens di mi Wowonan, pasobra nan
tin un aprecio grandi pa prensa en general.

Tambe Leo Vrolijk kier gradici Archivo Nacional, cu su director Raymond Her-
nandez, kendenan ultimo 3 añanan, a brind’e e espacio p’e exposicion aki, cu
ta keda habri te November awor.
Danki na tur otro persona, cu a duna un man pa haci e expo aki posibel y e
no por clausura su discurso, sin reconoce trabao di Fernando Vermeer y di
yiu homber, Andrew, kendenan for di algun dia caba tabata masha ocupa p’e
preparacion aki.