Page 70 - MIN ON

24 AWEMainta Diabierna, 4 Augustus 2017

Autor Arubiano RECIENTEMENTE, e maximo autor Aru-

Quito Nicolaas ricibi biano Quito Nicolaas a biaha pa Rumania, unda el
a participa n’e festival di Curtea de Arges. Despues
di varios aña cu e ta ser invita y pa motibonan di
en grande na Rumania otro compromiso no por a atende e festival aki,
e aña aki si esaki a bira posibel. E festival inter-
nacional aki cu a tuma lugar di 12 – 18 di juli a
conoce presentacion di poetanan di e. o. Argentina,
Bolivia, Brazil, Colombia, Ecuador, San Salvador,
Spaña, Venezuela, Israel, Egipcio, Arabia Saudita,
Tunisia, Turkia, Canada, Estados Unidos, Serbia,
Croatia, Rumania, Bulgaria, Austria, Portugal,
Ciprus, Scotland, Antigua, Aruba y Puerto Rico. E
festival Curtea de Arges ta selecta su invitadonan
a base di nan publicacionnan y merito riba tereno
literario.

E programa di e festival tabata uno hopi pisa cu ta-
bata cuminsa mainta tempran y ta sigui te traimer-
dia, pa atardi 6’or continua atrobe te anochi 21:30
pm. Durante e festival tabatin diferente presenta-
cion di buki y exhibicion di otro publicacionnan
di e Academia Internacional Oriente-Occidente.
Como forma pa bautisa e Antologia di 589 pagina
– cual ta inclui tambe e poesianan di Nicolaas – e
autor mester a declama for di e buki. Cada autor
tabata ser introduci dor di un presentadora, kende
ta lesa su biografia y lista di publicacionnan. E
poesianan cu ser declama tabata ser traduci si-
multaneamente pa un traductora den e idioma
Rumano.

Na inicio di su estadia sr. Nicolaas y su colega-
nan a ser ricibi pa e Alcalde di Curtea de Arges,
mientras na final el a ser ricibi pa e Arzobispo di
Arges y Muscel
Riba Diadomingo a inclui un programa cultural-
historico, unda a bishita e region di Carpata y
anochi a clausura esaki cu un recital di bailenan
tradicional Rumano.
Autor Nicolaas a ricibi un gran acohida di parti di
e. o. e representantenan di America Latina. Den su
dialogo cu e otro participantenan di Israel, Egyptio,
Scotland, Croatia, Turkia y Estados Unidos por a
dialoga encuanto di literatura di nan pais y esun
di Aruba.

E conocido poeta Quito Nicolaas a sa di conmove
e publico cu su poesia “The Statue” (E Estatua) y
tambe cu e poesia “Servitud” cu ta trata e trans-
formacion di un sistema comunista/autoritario pa
un sociedad mas moderno y liberal.
E poesia “Servitud” no ta un poesia nobo, si no ta
uno saca di su tomo di poesia “Destino” (2000).
Cu su splicacion y aplicando esaki rib’e caso di
Rumania, el a ricibi un momento largo di aplauso.

Cu e presentacion di sr. Nicolaas na Rumania,
Aruba por ta sigur di ta tin un embahador cu a sa
di transmiti e cultura y literatura Arubiano pa un
publico internacional.