Page 7 - ARUBA BANK 20 FEB 2016

Diasabra 20 Februari 2016 Pagina 9

44 empleado na cas y sin salario

Dowers a firma pa duna
aprobacion pa Casino cera

FTA ta culpa Dowers di a coopera cu doño di casino

Sindicato FTA den un
declaracion reciente a
mustra nan disgusto cu
Minister Dowers, pa e
hecho cu el’a firma un
permiso pa asina permiti e
casino cera su porta.
Segun Hubert Dirksz a
declara recientemente,
leynan di Aruba ta bisa cu
un Casino no mag cera
su porta pa mas di 2 x 24
ora. Si esaki sosode, e
hotel lo perde su permiso
di casino.
Dicon e ley ta asina stricto?
Exactamente pa stop
baina y fregamento. No
por ta asina cu Casino ta
cera porta ki dia cu e kier,
bay laga empleado atras
sin salario.

Pues e ley ta hinca den otro
di tal forma cu e ta pone e
hotel extra responsabel
ora cu e mester escoge su
operador di casino. Den
e caso aki, Hubert Dirkz
a bisa cu Arthur Dowers a
firma un permiso pa asina
e casino por cera porta y
ya ta bayendo pa dos luna.
Danki na e acto repudiabel
aki di Minister Dowers,
awe tin 44 empleado sin
cobra nan salario. Dicon
Dowers no a pensa riba
e 44 empleadonan ora cu
el’a firma e permiso?
Dicon e no a yama e 44
empleadonan y bisanan
cu nan por pasa na Pavia
fin di luna pa cobra nan
salario? Pues, kico ta e
meta di Dowers? Dicon
el’a firma e permiso pa e
doñonan di hotel? Esaki ta
contesta cu Dowers so por
contesta.

Te cu awe, tanto Dowers
y Paul Croes ta sconde y
ta hunga wega y no kier
a entrega of publica e
permiso aki cu a wordo
firma. Ta di lamenta cu
ministernan di AVP no ta
importa nan mes un bledo
cu 44 empleado.