Page 3 - EXTRA NOV 2,2015
P. 3
Djaluna 2 Novèmber 2015 3
APERTURA ENTRE
DIREKTOR INTERINO
ABC I SINDIKALISTA
WILLEMSTAD.-
Informashon ku EXTRA
ta disponé di dje ta indiká
ku tin un apertura den e
situashon ku a surgi entre
presidente di sindikato
Cadmu i direktor interino
di kompania di konvoi ABC.
EXTRA a komprondé ku un
kombersashon a tuma lugá
entre nan dos te ku a yega
na palabrashon ku djarason
awor 4 di novèmber nan lo
sinta na mesa.
Tabata hopi bisto
último tempunan kon
konstantemente tabatin
palabranan den direkshon
di otro. Informashon ku
EXTRA tin ta indiká ku
tabatin papiamentu entre e
dirigente sindikal Meulen i e
direktor interino Bremer. Por
sierto ámbos ta sindikalista.
Tabata basta lat ayera
nochi ku EXTRA a buska
kontakto ku e direktor
interino pero e no tabata
alkansabel mas. Di tur
manera e enkuentro ta
planiá pa djarason awor.
Tin hopi punto pendiente
pa atendé den e kompania i
p’esei ta importante pa tin
un komunikashon na òrdu
entre e direktor interino i e
dirigente sindikal. EXTRA
su fotógrafo a tuma nota ku
e direktor interino tabata
presente na e aktividat
spesial pa penshonadonan
di ABC ku a tuma lugá na
sede di UGTK-Cadmu. Pues
definitivamente tin un
apertura.
