Page 54 - EXTRA NOV 2,2015

54 Djaluna 2 Novèmber 2015

...Awe...

VICTOR PROVACIA A
KUMPLI 100 AÑA

WILLEMSTAD.- Awe
2 di novèmber Victor
Provacia, mihó
konosí komo “Shon
Vi”, “Vi” òf “Vikto”
ta selebrando su di
100 aniversario.
Shon Vi huntu ku su
esposa sra. Hannah
Provacia di 87 aña,
ta na kabes di 4
generashon: nan
tin 3 yu muhé, 6
nietu i 5 bisañetu.
Vi ta un hòmber di
kas i a sa di lanta
su yunan ku regla,
disiplina, tur dia
mester bai skol sin
falta un dia di skol i

tambe Vi a siña tur su
desendientenan pa tin
rèspèt pa nan próhimo
i pa semper kumpli ku
nan responsabilidat.
Apesar ku su yunan ta
bon eduká, shon Vi a
perkurá pa guia tur su
nietunan tambe.
El a kuminsá den
kunuku yudando su
tata i despues el a bai
traha na Shell. E pitu
di Shell tabata nifiká
ku trabou a kaba, pero
tambe ku na kas tur
mucha mester ta bañá i
kas mester ta limpi pa
warda e kabes di kas
yega. Vi tabata e promé
shofùr ku a kore bùs
grandi Greyhound. Vi
tabata traha ku turista.
E ta piki nan i hiba nan
na su kas pa nan atmirá
e tantísimo barika hel
ku su bisiña tabata
kria, kual a lo largo
a bira un atrakshon
turístiko. Fundashon
Nos Grandinan ta
felisitá Shon Vi ku e
logro grandi di por mira
100 aña.