Page 41 - KPA
P. 41
Policial
TURISTA HOBEN TA HAYA
PICA DEN LAMA
editor
POSTED ON SEPTEMBER 19, 2017, 7:16 PM
24 SECS
POST VIEWS: 5
ORANJESTAD, Aruba
Diadomingo, pa mas of menos 2’or y 22 di merdia, Central ta dirigi patruya di Strandpolitie na e
beach dilanti di Amsterdam Manor, pa un persona cu lo a haya pica pa un jellyfish. Eynan polis ta
nota un hoben di mas of menos 16 aña cu tabata sinta riba un stoel di beach. Polis a mira cu ambos
rudia y su brasa drechi tabata hincha. Segun e hoben, e no ta sigur si tabata un jellyfish of algo otro.
E mama a declara cu e yiu muhe tin alergia pa tipo di pisanan asina. E mucha muhe CV, naci na
Argentina, kedando na un hotel den vecindario, a wordo trata pa personal di ambulance y a wordo
hiba hospital, mientras cu e mama y un tanta a wordo hiba hospital door di polis. Patruya a controla
banda di canto di lama y tabata tin un grupo di tres persona den awa, pero nan a bisa cu nan no a mira
nada. Central a wordo poni na altura.
