Page 3 - AWEMAINTA
P. 3
Diaranson, 11 Maart 2020 AWEMainta 3
Dos dama herida despues cu nan a auto
a kentel riba Caya ing.Roland Laclé
DIAMARS merdia algo prome cu 2:30, informacion
a drenta cu un auto lo a bolter den Caya ing.Roland
Laclé y cu lo tin hende herida.
Na yegada di Polis, ya Ambulance tabata bezig y tam-
be Materiaalwagen tabata na caminda.
Den e auto lo tabata tin dos dama, di cual un a keda
pega y mester a wordo yuda dor di bomberonan pa por
a sali. Mientras e otro dama a sali y cana subi ambu-
lance.
E auto envolvi tabata un Suzuki Vitara cu tabata bay-
endo direccion nort y dado momento e lo a dal contra
sea e acera of un pida troncon seco y kentel kedando di
banda mey-mey caminda.
A dura algun minuut prome cu a logra saca e dama for
di e auto y e tabata mustra di ta den basta dolor.
No mester a corta e auto, pero a haci esaki via di e ben-
tana patras. Ambos a wordo hiba Hospital.
Polis mester a cera Caya ing Roland Laclé bin nort, p’e
unidadnan di rescate por a haci nan trabou.
