Page 3 - LOTTO
P. 3
16 AWEMainta Diahuebs, 28 September 2017
RCA ta habri Campeonato Division
Honor enfrentando Caiquetio!
E tricolornan di Solito cu tin e escuadron di mas
exitoso di ultimo añanan. Diabierna awo pa 8’or den
Centro Deportivo Guillermo Prospero Trinidad lo
midi forsa cu e Indjannan di Paradera.
Manera a bira custumber caba, tur aña tin hungador-
nan clave di RCA ta bandona e isla buscando un miho
futuro den exterior. Esaki ta duna espacio n’e sistema
hubenil pa sigi produci talentonan pa “hoofdklas”.
E aña aki por bay wak e. o. Francis v/d Linden,
Glembert Croes, Kevin Peña, Juji Werleman, Jason
Geerman, Adrian Koolman, Bryan Erasmus formando
parti di e oncena di honor.
Pero tambe e hobennan cu a yega Solito pa reforsa
manera Denrick Lopez, Joscar de Kort, Elijah Ponte
y Leonuar Croes.
Tin tambe tres hugador cu a dicidi di bin cas bek:
Jomar Martis, Jeanpierre Fingal y Patrick v/d Biezen
cu a reactiva.
E fanaticada ta cordialmente invita pa bin apoya y
anima paso e trabuconan manera Ronald Gomez,
Jeanluc Bergen, Erik Santos, Firri Howell Brokke,
Nathan Loe a Nioe, Lujean Bergen, Lang Trenidad,
Miguel Gonzalez, Jaython Odor, Kokito Howell
Brokke, Gregory Gomez, Marshall Marval tambe lo
ta den accion.
Conclusion ta cu RCA lo sali en busca di 3 punto y
lidera e tabla. Saca bo Shirt Tricolor y yega stadion.
Drenta na e banda panort porta pega cu gym y bo
pago lo contribui na beneficia RCA. Keda pendiente
pa e uniform nobo di tur division y cu tambe lo ofrece
jersey pa bende cu e fanaticada.
