Page 10 - HOH
P. 10
10 LOCAL AWEMainta Diabierna, 14 Juni 2024
Meteo
Un biaha mas tene precaucion p’e calor
DEBI na paso di un ola tropical, ta spera cu e bientonan na Aruba lo ta
debil pa modera, cambiando asina di direccion zuidoost pa zuid durante
e proximo 24 pa 36 oranan. E cambionan aki den e condicionnan atmos-
ferico lo trece cu ne un aumento significativo di temperatura. Ta pronostica
cu e thermometernan lo marca entre 34 y 35 grado Celsius y den algun
area urbano e cifra aki por ta ainda mas halto.
E aumento aki di temperatura lo afecta e indice di calor, den cual ta calcula
cu lo ta entre 36 y 40 grado Celsius. Un indice di calor asina halto por
provoca incomodidad y posibel riesgo pa salud specialmente den e pobla-
cion mas vulnerabel, manera di adulto mayor. Ta crucial cu tur hende tuma
e precaucionnan necesario pa evita problema relaciona cu calor, manera
deshidratacion y golpi di calor.
Ta recomenda e poblacion mantene su mes hidrata, evita exposicion
directo n’e solo durante e oranan mas calor di dia, uza paña light y colo
cla y ta atento n’e señalnan di cansancio p’e calor, manera mareo, soda-
mento excesivo y nausea.
Fuera di esey ta importante revisa e estado di salud di e famia y e bisi-
ñanan, en particular di esunnan cu ta mas susceptibel n’e efectonan di
calor. tempo y cualkier otro recomendacion cu por
surgi debi n’e condicionnan meteorologico
Keda informa a traves di e medionan oficial pa update riba e estado di extremo.
Cantidad grandi di
usuario a blokia
DIMAS su WhatsApp
temporalmente
APENAS dia 10 di juni 2024, DIMAS a anuncia
cu nan a integra e servicio di WhatsApp den nan
sistema di comunicacion pa facilita e contacto
entre comunidad y personal di DIMAS.
E cantidad di usuario cu a conecta cu DIMAS a
traves di nan WhatsApp a surpasa tur expec-
tativa, cu consecuencia cu e sistema a blokia
temporalmente. DIMAS ta haciendo lo maximo
pa expande e cantidad di cliente cu por uza
nan servicio di WhatsApp y lo informa unabes
cu esaki ta bek den servicio.
DIMAS ta pidi disculpa pa e inconveniencia
aki.
