Page 130 - MIN VOS JULY 15

Eigen bijdrage ta bin, pero pa cierto servicio y productonan
so

Publication: Wednesday, 15 July 2015. Categoria: General

ORANJESTAD(AAN): Minister dr. Alex Schwengle, di Salud Publico, diamars a duna di
conoce cu e “eigen bijdrage” di AZV ta bin. E lo worde introduci na un forma suave y no ta
worde aplica riba tur servicio y producto, segun e mandatario.

Den un combersacion cu e minister, el a splica tocante diferente proceso pa cu conscientisacion
di cliente, cu lo mester resulta den menos gasto y miho inversion di cada Florin di parti di AZV.

El a cuminsa pa elabora tocante di BAZV, cu a worde crea pa baha e landsbijdrage den AZV.
Mescos cu a negocia edad di pensioen pa trece trankilidad den e sistema pa mas cu 10 aña, tambe
kier logra e tipo di trankilidad aki den AZV. El a bisa cu e transformacion di e landsbijdrage den
un otro sistema di financiamento no ta nada straño y aunke e ta un poco fastioso pa pueblo
pasobra e ta un peso riba e poder di compra, e minister di finansa ta trahando pa bin cu
cambionan den e sistema di belasting y lo trece alivio di otro banda.

Mester ahusta un cu otro pa garantisa cu e poder di compra di pueblo ta keda bon, el a subraya.
“Mi no ta kere cu ningun gobierno deliberadamente ta bay, manera cu cierto partidonan ta bisa,
masacra y castiga pueblo. Mi ta kere cu un bon gobernante nunca lo pensa di haci esey cu un
pueblo,” Schwengle a agrega.

A tende di AZV tambe cu hopi parti di e maneho financiero ta dirigi su mes riba persona y
instancianan cu ta duna cuido, pero tiki ta worde haci pa e banda di e consumidor, Schwengle a
comenta. El a splica cu e consumidor ta hunga un rol hopi grandi y cu tin tres punto cu ta
trahando riba dje cu ta contribui na conscientisa e cliente tocante di uzo mas responsabel di cuido
medico, testnan y remedi.

Si e consumidor ta haci uzo di loke tin na un manera no responsabel of e ta abusa di cierto
remedi of servicionan, porta e no ta hacie deliberadamente, pero toch esey tambe ta aumenta e
gastonan. Si e cliente ta exigi cierto cosnan di su dokter cu eigenlijk no ta bon y e dokter ta