Page 36 - Diario

PAGINA 36 DIARIO
Prome biaha un Papa a realmente interesami
pa sinta scuche
Si mi bay tras di locual mi a tende ultimo dos dianan, nunca riba nos
isla hendenan lo tabata tin asina tanto interes pa un discurso di un
Papa, manera tabata e caso di bishita di Papa Francisco na Merca,
bishitando President na Washington y bishitando Congreso ayera,
unda el a tene su discursonan di “interes general”.
No puntrami cuanto biaha mi a interesa den un discurso di Papa,
pasobra e unico contesta lo ta un solo palabra: NUNCA!
Pero e Papa aki a cambia e ponencia di mi y di sigur miyones di
hende na mundo cu su bishita na Merca. Nos tur a sinta scuche cu
masha atencion.
E Papa aki, un Papa habri pa tur sorto di circunstancia, dispuesto
pa enfrenta asuntonan cu frankeza y apertura, cu berdad y realidad
constante, lo por y ta cambiando cara di Misa Catolico den un forma
impresionante. Consistencia si ta sigui ta e necesidad. Consisten-
cia ta nifica cu cada ken cu faya mester confronta realidad di su
fayo abiertamente.
Esey ta djis un angulo di e totalidad; su presencia, su discurso of
predicashi, na fabor di tene cuenta cu clima y asunto di medio ambi-
ente y aspectonan climatologico ta di importancia pa nos cu ta bisan-
do cu luna di september aki ta mas calor cu nunca. Tradicionalmente
luna di september ta e luna di mas calor.
Si awe bisa cu e aña aki ta mas calor cu nunca y bisa: ahhhaaaaa!!
Anto otronan ta pensa y bisa: “Kizas bo a lubida 3 aña pasa of 6
aña.” Total....., e percepcion cu ta mas calor cu nunca ta indicativo
cu cambio climatico ta presente.
Hende cu ta sinta traha den camber cu bentana habri fin di siman, cu
airco paga, awe ta sinta den e camber cu airco, ya cu for di tempran
a pone airco fria camber, pasobra calor a bira insoportable. “No ta
bo termometer a daña, ta simplemente cu e cambio climatico ta
presente y rond mundo”.
Tene cuenta cu e circumstancianan aki y anto traha y pensa den
direccion di mehora e asunto.
Anto esaki ta djis un angulo, un capitulo, di loke mester tene cuenta
cune segun e mensahenan di Papa Francisco. E Papa ta conkistan-
do e continente. E ta conkistando e continente papiando y referien-
do na asuntonan di importancia, di berdad y di realismo.
Anto den e contexto aki mester sigui e ponencianan aki; studia nan;
atende cu nan y haci nan propio di bo. Pasobra ta di e forma aki so
bo por garantiza un continuacion di loke el a menciona na president
Barack Obama diaranzon mainta. “E mundo cu nos tin cu entrega
na e proximo generacionnan, nos ta resulta di ta esunnan cu a
rescata mundo di algun exceso y cu a garantiza di haci un bon
esfuerzo pa cos drecha?
Of nos ta bay wordo reconoci como e generacion cu tabata tin
den su poder pa atende cu hasta esnan cu a desvia di caminda
corecto; cu a coge caminda inmoral y inaceptabel, atende cu
cosnan robez, y entrega na proximo generacionnan un mundo
decadente destina pa fracaso?
Esey ta esencia di e responsabilidad di cada ser humano di e genera-
cion actual, ta esencia di importancia pa trata asuntonan cu transpar- despues di eleccion caba y ta dura 4 aña non stop te otro eleccion cu
encia, cu decencia cu honestidad continuo.
Esey tabata diaranzon, y awor ta kico a pasa ayera ?
Esnan cu a sigui e biahe di Papa Francisco por a ripara cu den su
discurso historico ayera den Congreso americano, cu tur miembro
di senado y di Cas di Representante cu tabata presente, e Papa a
presenta tur e puntonan cu ta di importancia grandi pe.
El a present’e na un manera cu te hasta esnan cu no necesariamente
ta di acuerdo cune no a expresa rechazo pero si a lanta para na difer-
DIABIERNA 25 SEPTEMBER 2015
ente ocasion y bati man cu esnan cu si ta di acuerdo.
Discurso den Congreso americano ta acompaña cu aplauso cada
momento cu un persona bisa cos importante y hopi biaha e aplauso
ta cu e hendenan ta lanta para y despues sinta bek.
Den un mundo asina politiza, apesar di e hecho cu tin posicionnan
specifico y concreto cu e Pontifice a menciona y cu tin tendencia di
linea di partido democrat y menos di linea di partido republicano, toch
den e ambiente politiza aki, tabata tin diferente momento cu esnan di
partido republicano tabata lanta para tambe y bati man cu mes entu-
siasmo cu nan coleganan democrat.
Tin biaha un situacion asina ta hala atencion specialmente pa e
ponencia cu tin: “ no ta unicamente loke bo a bisa, pero e manera
cu abo a bis’e tambe ta importante. Esaki sin pretencion di lo
kier elimina e importancia vital di kico bo a bisa.”
Esey tabata crucial den e presentacion di Papa Francisco, pasobra
el a bin pa bisa e cosnan cu a kere cu e lo no bisa. E manera cu el a
bis’e; no a, ni suavisa, ni fortalece e mensahe. Den e caso specifico
aki e asuntonan cu e ta discuti.
Den e Congreso americano ta conoci cu en general democratnan ta
apoya mucho mas atencion pa cambio climatico y ta mucho mas dis-
puesto pa atende cune. Republicanonan sa pensa mucho mas tanto
den termino mas limita di vision, bisando por ehemplo: “si China no
ta haci’e, si Rusia no ta haci’e, nos tampoco ta haci’e.”
Papa Francisco di su parti na dado momento a bisa den su presen-
cia americano cu “no tin di haber ken ta haci’e. E punto ta cu tur
hende mester haci’e. Y sigur bo no mester keda sin haci’e paso-
bra otro hende no ta haci’e”.
E posicion aki ta un posicion compara cu e proverbio “laba bo man
cu sushi di otro hende”, pasobra ora bo caba di laba bo man, no tin
nada di limpieza cune.
E esencia di Papa su pensamento relaciona cu cambio climatico ta-
bata concerni directamente e asunto di cu: “nos tin cu mira ki sorto
di mundo nos ta laga pa esnan cu ta sigui nos. Pa e proximo
generacionnan! Nos no tin derecho di causa asina tanto de-
struccion na mundo cu proximo generacionnan tin cu pasa den
tur sorto di penuria y problema, pa nan por hiba un bida basica-
mente normal.”
Den esencia esey ta e mensahe tocante cambio climatico cu natural-
mente a cay den bon oido no solamente cerca mayoria di democrat-
nan en general, pero sigur cerca president americano Barack Obama
cu na diferente ocasion a referi na e ponencia ey. Pero no semper
el a haya apoyo - y actualmente ta mas dificil -- di logra apoyo di un
Congreso domina pa republicanonan.
Esaki tanto den Cas di representante como den Senado y sigur den
un aña cu ta di 3 di un presidencia dificil, cu ta tambe un aña prome
cu e aña di campaña.
Manera ta conoci, campaña americano a cuminza leu di un aña
prome cu eleccion americano tin cu cuminza. Na Aruba mes cam-
paña pa siguiente eleccion ultimo 3 eleccionnan, a cuminza un dia
promocionnan personal den su mayoria.
Ta te prome diamars di november 2015 e proceso electoral america-
no ta cuminza. Na Merca ya for di augustus di e aña aki caba tabata
tin anuncio di kendenan ta desea di bira candidato pero tabata tin
tambe debatenan caba entre candidatonan pa debati asuntonan cu
bo ta calcula cu aki un aña nan lo ta totalmente diferente.. Asina bo ta
haya debatenan extenso riba asunto di imigracion.
Sigui lesa pag. 37