Page 28 - MIN SOC NOV 20,2015

18 AWEMainta Diabierna, 20 November 2015

Departamento di Labor ta informa:

Eliminacion di e
pio formanan di
trabou infantil

ARUBA a acepta e obligacionnan di Tratado 182 na 2012 den

cual e mester percura cu e pio formanan di trabou infantil wordo
elimina.
Segun e tratado, e pio formanan di trabou infantil ta:
1. Tur forma di esclavitud of practicanan similar na
esclavitud, manera e benta y traficacion den mucha, trabou
obligatorio pa paga debe, y trabou obligatorio, incluyendo
obligacion pa recruta mucha pa conflicto arma.
2. E uzo, mediacion y oferta di mucha pa prostitucion, p’e
produccion di pornografia y actonan pornografico.
3. E uzo, mediacion y oferta di mucha pa actividadnan
criminal, particularmente p’e produccion y traficacion di droga,
segun defini den tratadonan internacional.
4. Trabou pa cual su caracteristicanan of e circumstancia
bou di cual e ta wordo eherci, por daña e salud, siguridad y moral
di muchanan.

Leynan laboral di Aruba ta prohibi un mucha pa traha pero ta
haci excepcion pa dos categoria di muchanan un tiki mas di edad,
esnan di 13 y 14 aña, y esnan di 15 – 17 aña.
Pero bou di ningun circumstancia y pa niun di e categorianan, e
pio formanan di trabou ta wordo permiti, no solamente pa Aruba
su leynan laboral pero tambe segun e Codigo Penal di Aruba.

Un fenomeno cu nos ta wak mas y mas cu ta hunga un rol
prominente den bida di mucha y hobennan awendia y pa cual
Departamento di Labor kier pone atencion special awe ta
sacamento di portret sunu of actonan intimo y pasa esaki via un
smartphone of cualkier otro media pa otro.

Sea of no e portret of video a wordo tuma/traha cu conocemento
di e mucha, e acto aki ta wordo considera como pornografia y/
of produccion di pornografia infantil y ta penalmente castigabel.
Distribucion di esaki tambe ta penalmente castigabel, no
solamente p’e adulto cu haci esaki pero tambe p’e mucha.
Departamento di Labor ta conseha tur mucha, hoben y mayor pa
tene cuenta cu esaki y evita portret of video cu ta comprometente
y cu por haci e mucha/hoben vulnerable pa ta victima di
pornografia infantil. Ademas Departamento di Labor ta urgi tur
hende pa no distribui video of portret asina pasobra esaki por tin
consequencia penal.