Page 24 - RDA

Desde diaranson 9 di Mei lo tin aumento di prijs di combustibel, cual ta algo cu gobierno a anuncia.
Combustibel ta un componente hopi importante den e budget di casnan di famia pero tambe pa
empresa.

Aruba no ta produci su mesun combustibel. Parlamentario di Fraccion AVP, Richard Arends, a
indica cu combustibel no ta subsidia pero aki ta na merced di prijsnan riba mercado internacional.
“Obviamente ta calcula esey a base di e prijsnan di tur dia door di Platt’s ta suministra y pa fin di

luna ta tuma un averahe y e prijs ta valido p’e luna siguiente”, asina Parlamentario Arends a señala.

Fraccion di AVP a mustra nan preocupacion ta cu gobierno a presupuesta 10 miyon extra na aumento
di accijns. Pero te cu e dia di awe gobierno a aumenta accijns na luna di Maart cu 2 cen y den e
ultimo lunanan aki e ta un entrada adicional di 1.7 miyon. Esaki ta nifica cu ainda falta riba 8 miyon

cu gobierno mester haya di aumento di accijns. Esaki ta ekivalente si tum’e desde luna di juli te cu
december, esey ta un aumento di 16 cen.

No obstante cu e prijs di gasolin a subi e luna aki, e lo bolbe subi otro luna si por sigui e desaroyonan
riba mercado internacional. Fraccion di AVP ta preocupa cu esaki, unda ta creando e storm perfecto
caminda cu no tin un crecemento economico. Tin un aumento di BBO, BAZV y tin prijs di energia,
prijs di combustibel lo aumenta hunto cu prijs di awa y coriente. Esaki ta algo cu ta duna Fraccion di

AVP preocupacionnan, pasobra esaki lo afecta directamente cartera di famianan. Tambe e lo afecta
directamente e costo di haci negoshi aki na Aruba cu tur efecto negativo.