Page 13 - 11April2022

DIALUNA 11 APRIL 2022 DIARIO PAGINA 13
Temporada di Campamento a cuminza y

por sinti cu tin menos hende e biaha aki

ORANJESTAD (AAN): Riba Diadomingo,
oficialmente e temporada di campamento a cuminsa
na Aruba! Personanan den oranan trempan a bay
sigura nan lugar, y asina cuminza lanta tent, trailer,
y gazebo pa asina sconde pa solo durante mayoria
di dia.
Algo cu a wordo nota mesora, ta cu e interes ta hopi
abao e aña aki, mirando cu por ehempel na Eagle
Beach mes unda normalmente den pasado esaki ta
un lugar yen di campista, awor na 2022 e ta hopi
bashi.
Na Arashi Beach toch tin mas movimento. E
posibilidad ta existi cu debi cu na Arashi e campistanan
ta pasa mas trankil cu menos desorden, compara cu
antes tanto reclamo cu tin hopi movimento acompaña
cu hopi desorden.