Page 26 - AM240910

26 COMUNIDAD AWEMainta Diamars, 10 September 2024

Aruba Bank satisfecho cu su contribucion

clave n’e conferencia LIDERA 2024

ARUBA Bank ta celebra cu orguyo su contri-

bucion den e conferencia LIDERA 2024, cu a
tuma luga riba 6 y 7 di september na Hilton
Resort. E conferencia cu e tema “LIMITLESS” a
reuni lider-, profesional, y atletanan hoben pa

dos dia di educacion, inspiracion, y empodera-
mento.

Como un sponsor comprometi, Aruba Bank

a hunga un rol importante den e mision di e
conferencia pa inspira e participantenan pa
kibra barera personal y social. E evento pa
atletanan hoben riba 6 di september a bira

posibel, dunando atletanan hoben e oportun-
idad pa asisti sin costo. Durante e conferencia e
coach Allistair McCaw a comparti strategianan
pa desaroya un mente sin limitacion, tanto den

deporte como den bida personal.

Riba 7 di september a tuma luga e conferencia
principal di LIDERA, cu a atrae un publico diver-

sifica cu tabata ansioso pa explora manera pa
supera limitacionnan den nan bida personal y
profesional. E participantenan a participa den
sesionnan impactante, incluyendo discursonan

di e orador principal y e panel di discusionnan,
cu tabata dirigi pa fomenta un mentalidad di
posibilidad sin limitacion.

Aruba Bank tambe tabata honra pa por tabata
tin nos Chief Strategy & Transformation Officer,
Sra. Nataly Simmons-Thompson, cu a habri e
conferencia cu un discurso potente. El a enfatisa

e importancia di kibra bareranan y adapta un
mentalidad di crecemento, aliniando perfecta-
mente cu e tema di “LIMITLESS” di e confer-
encia. Su palabra a pone e tono pa un dia yen

di inspiracion, stimulando e participantenan pa
bay mas aya di nan limitacionnan percibi.

Nos ta orguyoso di a forma parti di e evento

significante aki, apoyando y empoderando
individuonan pa logra nan potencial completo.
Aruba Bank ta keda comprometi na fomenta
crecemento, tanto den nos comunidad como

via iniciativanan manera LIDERA cu ta inspira
cambio duradero.