Page 2 - AM201008
P. 2
2 AWEMainta Diahuebs, 8 October 2020
NH90 nobo na caminda pa region Caribe
S.M. Groningen despues di 2 luna y mei, por disponé atrobe
di un helicòpter di combate marítimo NH90. Ayera mainta
un aeronave a sali via di transporte aéreo direccion region
Caribe. E helicòpter ta re-emplasá e aeronave cu a cay den
laman na jüli
E NH90 durante último dianan a keda prepará na Base Aéreo Eind-
hoven p‘e transporte aéreo. Diamars ultimo e aeronave ya caba a
keda cargá den un avion di transporte. E aeronave ey ta 1 di e 3
avionnan di e programa conhunto di NAVO-Heavy Airlift Wing.
No ta usual cu Defensa ta trece helicòpter via di transporte aéreo.
Normalmente bisá e avion ta nabegá riba e barco patruyero cu ta
sali bay e area caminda e lo bay keda desplegá, pero a desviá di esaki
pa motibo di substitucion di tripulacion di tou.
BARKU DI PATRUYA
S.M. Groningen for di juli 2020 ta activo den region Caribe. E barco
eynan ta keda desplegá pa tareanan di Wardakosta, accionnan di
rescate, operacionnan contra traficacion di droga, y dunamentu di
yudansa durante calamidat. E NH90 den esey ta percura pa duna
asistencia/sosten.
E aeronave anterior dia 19 di juli a cay den laman dilanti costa nort
di Aruba. Den esaki 2 miembro di tripulacion a pèrdè nan bida, 2
otro a sobrebibí e accidente. E re-emplaso di e aeronave tabata ya
caba riba agènda, promé cu e accidente.
