Page 44 - ARUBA BANK

Segun e premier cifranan di 2018 lo no ta realistico y no lo cumpli cu normanan di

CAFT. E la subraya cu no por tuma decision su so y lo mester di ayudo di Hulanda.

Remarcabel ta cu e expresion di e premier ta uno basta manipulativo y hipocrita.

Manipulativo den e sentido cu ta gobierno di MEP/POR/RED ta hibando e rienda di

finansa di Aruba nificando cu e maneho hiba door di nan gobierno mester resulta den

cumplimento cu normanan di CAFT y no Hulanda! Ta netamente e persona aki ta e
prome pa grita cu autonomia financiero ta algo sagrado di Aruba pa awor kier hisa saya

pa Hulanda supuestamente dicidi?! Si bo ta pretende di tin e miho personanan den bo

Gabinete, anto e ora ey cuminsa na presenta bo maneho, stipula cuadranan…. kico bo ta

warda pa cuminsa traha y goberna?

Ta como si fuera ainda e premier ta den oposicion pasobra te dia di awe no a goberna

sino a percura pa persigui otronan djis pasobra nan no a apoye. Mientras ta persigui e la

percura pa yena aparato gubernamental of miho bisa crea peso riba lomba di pueblo door

di activa full un radio stacion bou gastonan di pueblo, personanan sin educacion y algun

ex criminal riba payroll. Tur e decisionnan aki a pone cu matematicamente e lo no por

cumpli cu cuadro financiero di gobierno door di su propio iresponsabilidad. Ainda falta

mas!

Sin miedo, cu dictadura y hopi ‘stiekem’ premier Wever-Croes tin un rol mas di ta e

‘ontslagvrouw’ en bes di ta un ‘staatsvrouw’ cu berdaderamente ta goberna pa un pueblo

completo sin cu ta haci distincion. Pero e movecionnan di e gobierno aki lo bai costanan

caro ya cu esunnan cu a wordo kita lo gana nan caso y e gobierno aki un biaha mas lo

carga e titulo di persiguido.