Page 6 - Awemainta 9April2021
P. 6
6 AWEMainta Diabierna, 9 April 2021
Fundacion Pa Nos Muchanan:
Dia Pedagogico 2021 “Reconoce Mi,
Compronde Mi, Yuda Mi”
DIA 23 di april 2021 Fundacion Pa Nos Muchanan (FPNM) ta organisando su di
6 Dia Pedagogico dirigi principalmente pa profesionalnan trahando den Centro di
Cuido y Guia di Mucha na Aruba (Creche y traimerdia).
Dia Pedagogico ta un dia di estudio y tin como meta pa eleva conocemento di
esnan cu ta ofrece cuido na nos muchanan.
Tema di e aña aki ta: “Reconoce Mi, Compronde Mi, Yuda Mi unda lo enfoca riba
aspectonan di salud mental y trastornonan mental cu muchanan ta experencia.
Mirando e hecho cu e trahador pedagogico tin un tarea sumamente importante
y responsabilidad grandi, ta importante pa nan tin conocemento pa por reconoce
e diferente aspectonan di salud mental y trastornonan mental cu muchanan por
encontra. Esaki ta importante mirando cu e trahador pedagogico ta forma un parti
grandi den e mucha su bida.
Mayoria mucha ta pasa mas tempo na Creche cu su mayornan pa motibo cu
mayornan mester traha. P’e motibo aki t’asina importante p’e lider por tin e abilidad
di reconoce, compronde y yuda e muchanan na un manera positivo y efectivo. Cada
trahador pedagogico di e Centro di Cuido y Guia di Mucha hunto cu mayornan ta
forma e base firme pa e muchanan den e Centro. Cinco diferente workshops lo wordo duna
relaciona cu e tema, entre otro;
Dia Pedagogico e aña aki lo wordo duna na un forma diferente. Mirando e medidanan - “ADHD” duna pa Johnny Boekhoudt,
pa cu e pandemia, Dia Pedagogico 2021 lo wordo duna por medio di un ‘Webinar’ - “Spectrum di Autismo” duna pa Carolina Span,
unda tur participante por sigui e programa via ‘Zoom.’ - “Taalontwikkelingstoornis” duna pa Kristel van Nes,
- “Hechtingsprobleem” duna pa Naziha Wever-Ras,
- “Ansiedad y Depresion” duna pa Raymicheline
Raymond.
Cada workshop lo enfoca riba e caracteristicanan di
cada aspecto di salud mental of trastorno mental, teoria
tras di cada topico, con pa reconoce nan, con pa guia
un mucha, tools pa implementa esaki den practica, con
pa trata cu mayornan di e mucha, y na cua instancia
nan por acudi pa haya mas informacion.
Si abo ta un persona cu ta trahando den un Centro di
Cuido y Guia di Mucha na Aruba (Creche y traimerdia) y
ainda no a inscribi yama FPNM na 588-0856/ 583-4247
of email na info@fpnm.aw.
