Page 10 - AWEMAINTA
P. 10
10 AWEMainta Dialuna, 11 Juni 2018
Pa defende un mucha muhe dos
homber a ricibi hinca di agresor
Diadomingo algo pasa di 4’or di marduga,
presencia di polis ta wordo pidi cu urgencia na
Eerste Hulp na Dr. Horacio Oduber Hospital,
pa motibo cu na Eerste Hulp a presenta dos
cabayero y ambos tabata tin varios hinca na
curpa, un tabata seriamente herida cu un hinca
den su pecho, cerca di su curason. Hopi lihe
varios unidad di polis ta presenta na hospital.
Na yegada e polisnan ta papia cu e victimanan,
ambos ta Colombiano biba hopi tempo na
Aruba. Nan a splica polis cu problema a cuminsa
un poco pabou di Lekker Bar Restaurant, na
momento cu nan a mira dos mucha homber
local hoben, cual un di nan tabata maltratando
un mucha muher, e tabata chocando e mucha
muhe. E dos hombernan aki mesora a sali bay
pa defende e dama y esaki no a cay den bon tera
cerca e dos hobennan local.
E dos hobennan local aparentemente lo a kibra
botternan di cerbes y lo a hinca e dos hombernan
aki varios biaha. Un auto particular cu hopi
urgencia a hibanan Hospital.
Despues cu polis a tuma nan declaracion, a bay
na e sitio unda e hinkamento a tuma lugar y a
cuminsa cu e investigacionnan necesario. Tambe
Departamento Tecnico di polis a presenta pa
haci mas investigacion. E caso ta den man di
autoridad.
Ministro encarga cu Salubridad ta anuncia cu entrante 12 juni 2018 durante
14 dia lo tin oportunidad pa un y tur tuma conocemento na Departamento
di Legislacion y Asunto Huridico, Schotlandstraat 53, di un peticion cu a
ser haci pa obtene un koffiehuis- y un restaurantvergunning A pa e parcela
Santa Cruz 48. E permisonan aki ta concerni e.o. benta di bebida sterki por
detal y cuminda pa wordo consumi den e parcela. Durante dicho periodo
aki tur hende por expresa por escrito nan obhecion contra dunamento di
e permisonan menciona, dirigi na e Ministro encarga cu Salubridad, via in-
termediacion di Director di Departamento di Legislacion y Asunto Huridico,
Schotlandstraat 53.
REGISTRO CIVIL Y CENSO
A N U N C I O
Registro Civil y Censo ta informa cu pa motibo di renobacion di
conexion di data y aparato di e sistema di paspoort, Censo no lo por
procesa ni lo por entrega paspoort dia:
12 juni 2018 henter dia.
Nos ta pidi nos mas sincero disculpa pa e inconveniencia aki.
