Page 10 - AM210921
P. 10
10 AWEMainta .com Diamars, 21 September 2021
Accion rapido di bisiña a scapa cas
di kima por completo na Dakota
Dialuna den oranan di mainta pasa di 11’or, informacion
a drenta cu na altura di YMCA tin un cas na candela.
Esaki a pone cu mesora patruyanan di Playa a bay e
adres cu ta cay den Calabasstraat cu Olijfistraat.
Na yegada di Polisnan berdad tabatin huma saliendo,
ya Brandweer tabata na caminda.
N’e sitio nos a scucha un bisiña cu t’esun cu a drenta
den accion ora e la mira huma saliendo di e cas.
Momento cu el a drenta e cas el a tuma nota cu e
candela tabata n’e stove. Esaki tabata debi cu nan lo a
sali y laga e stove cendi causando e candela.
Por a mira cu e candela a cuminsa pega e bentana di
palo cu ta cerca.
Polis n’e sitio cu ayudo di un slang a basha awa unda e
candela tabata, net cu Brandweer a yega.
Brandweer na su turno a bay tira bista y a habri e cas
pa ontlucht o sea p’e holor di huma y e huma mes por
sali.
Slachtofferhulp tambe a wordo poni na altura di e
incidente lamentabel aki.
