Page 28 - FUNDASHON LOTTO PA DEPORTE

Cu esey nos por corda riba Freestyle BMX, cu den añanan 80 tabata un hit. Tambe nos

tin Wakeboards, Skating Inline, en fin un sin fin di deporte cu ta mucho hopi pa

menciona.

Milangela Alexander, secretaria di Elska Foundation, a comenta cu hunto cu Extreme

Sports Aruba Foundation, representa pa su presidente, Daniyel Tromp, ta organisando e

evento aki dianan 30 y 31 di Maart y dia 1 di April, cual lo tuma luga na Aruba Ports

Authority, pa asina por trece deportenan extermo bek riba radar, sacando asina e hobenan

for di caya y hinca nan den algo positivo pa nan por haci, vooral despues di scol.

E evento aki lo bay ta pa esun di mas chikito te na e persona di mas grandi. Ta invita

pueblo di Aruba pa pasa y tambe cera conoci mas cu e hobennan cu ta haci e deportenan

aki.

Abigael Arends ta presidente di Elska Foundation, cual fundacion ta haciendo diferente

proyecto pa nos comunidad, en especialmente cu Extreme Sports Aruba, pa haci’e mas

grandi. Asina uni tur e BMXers, Inline Skaters, Freestyle BMX, Wakeboarding y

Scooting. Tur esnan cu ta haci extreme sports, pa asina lanta e deporte aki y stop di keha

cu no tin nada di haci. Tin hopi di haci, si uni y lanta e deporte aki un biaha mas. Abo cu

ta na cas, bo ta wordo invita, join na e fundraising aki, join den e comite, mester di

voluntario pa haci e deporte aki uno grandi y asina tambe ta bezig den algun bario pa por

trece skate parks riba propio forsa, hunto cu abo, como empresario, bo tambe por haci

donacion. Arends ta invita pueblo henter pa bin pa asina disfruta y pasa pret. Lo tin

musica, lo tin diferente cu ta aporta na un ke otro, manera cuminda, bebida, tin carshow
tambe. Ta purba di trece tur loke ta cosnan positivo pa nos comunidad.