Page 6 - ARUBA BANK

E firmamento a tuma luga na Aruba Bank Camacuri, unda a conta cu presencia di

esunnan cu a negocia e contracto y representantenan di e trahadornan. Di parti di Aruba

Bank, Sra. Natalie Simmons – Executive Director y Sra. Barbara Bronswinkel – Regional

Human Resources a firma e contracto cu Sr. Hubert Dirksz, Presidente di FTA y Sr.

Jomar Figaroa, Vice Presidente; y di parti di e empleadonan a firma e Shop Stewardnan

Sra. Mirla Koolman y Sr. Alexander Arends.

Beneficionan cu a wordo negocia ta inclui entre otro e bonus di añanan den servicio,

dianan di vakantie, dianan liber pa circustancianan personal, horario di trabao, tambe a

hisa e “day car allowance”.

Aruba Bank ta satisfecho di por a yega na un CAO pa tres (3) aña mas den un tempo

corto di dos (2) luna. Esaki ta promove un ambiente di trabao saludabel pa tur e

empleado.

Segun FTA, e negociacion a bay den un bon ambiente y den un tempo record, locual ta

haci Aruba Bank un ehempel pa otro empresa local, en particular paso Aruba Bank ta

tene cuenta cu e aumento den costo di bida durante di negociacionnan, esaki no ta usual

den tur compania. Tur partido envolvi a gradici e negociadornan di e CAO, esta pa Aruba

Bank Barbara Bronswinkel y e advisorsnan di parti di Aruba Bank, Suzette Bareño,

Diandra Dirksz y Janis ten Hoope; e Shop Stewardnan, y representantenan di FTA.