Page 14 - SDP20FEB2016

Pagina 14 Diasabra 20 Februari 2016

Parke Nacional Arikok ta presenta su Prome ‘Nochi di Pelicula’ pa
2016

Esaki ta tuma lugar diasabra 27 Februari
Parke Nacional Arikok ta organizando
otro 'Nochi di Pelicula'. E biaha aki lo mustra e
pelicula: Colombia, Magia Salvaje.

Colombia Magia Salvaje ta un aventura cu lo hiba’bo na
paisahenan inexplora, especienan encantador y un pais aun
desconoci pa hopi hende...Un grupo di cineasta a explora 85
localidad y 20 ecosistema cu equiponan di ultimo tecnologia,
pa conta storia di e nacion privilegia pa su biodeversidad y
su ubicacion geografico.

Den 90 minuut, lo bo waak e bayenanan yega for di
oceano Pacifico, e isla Malpelo, e Ciudad Perdi na Sierra
Nevada di Santa Marta, y tambe e parha mas grandi di e
continente cual ta e Condor y mucho mucho mas. Den poco
palabra, Colombia Magia Salvaje ta un tributo di e beyeza di
Colombia cu lo keda marca den bo memoria...

E anochi di pelicula ta completamente gratis cu
posibilidad pa cumpra algo di come y di bebe na prijs
razonabel. E anochi di pelicula lo tuma lugar desde 7:30
pa 9:00 pm dilanti 'Centro di Bishitante' di Parke Nacional
Arikok.

Bishitante di tur edad ta bon bini pa bin disfruta
un anochi placentero den aire liber bao di e tremendo
cielo di nos parke nacional. Di e forma aki parke kier sigui
crea concientizacion di e importancia di nos naturaleza den
nos comunidad.

Pa mas informacion bishita nos pagina di facebook;
Facebook.com/ArikokNationalPark

Bin parke, y descubri mas...

Hobennan baldadi a
horta golfkart tras di
lomba di hungador

Diarazon, pa mas of menos 6:32 di atardi, central a dirigi
patruya di Noord pa proshop den Tierra del Sol, pa un
intermediacion. Na e sitio a papia cu e homber C., kende
a declara cu un habitante tabata golf den su di 18 “hole”,
ora cu dado momento ora el’a bay bek, el’a nota cu su kart
gehuurd, no tabata tey mas.

Security a wordo notifica y a bay en busca di dicho kart.
El’a bin topa cu esaki den e di 4 “hole” cu un grupo di 3
hoben. Dos di nan a core bay, pero un a keda ey para door
di miedo.

El’a wordo atendi y cori di e sitio. E mucha hombernan
posiblemente ta hobennan baldadi cu ta biba den
vecindario. Nan a dicidi core bay. Patruya a bay waak rond
den vecindario unda nan por a sconde.

Pero no a haya nada particular. Central a wordo poni na
altura.