Page 7 - MIN TTC

Diario a elimina carta di retiro contra Speed Andrade

Thursday, 31 March 2016 17:16
Comparti

Desde diamars mainta, abogado mr. David Kock a manda un carta pa Matutino Diario den cual a duna nan te cu
awe 31 di maart 2016 pa elimina e carta di retiro otorga na su cliente, Nelson "Speed" Andrade. De lo contrario e
lo entama un caso sumario contra e corant mas bendi y mas popular di Aruba, unda Speed a traha fielmente e
ultimo 19 añanan.
Awe, manera instrui na Diario, nan abogado mr. Rick Samuels a manda un carta bek den cual nan a hala e carta di
retiro atras. Na su luga nan a avisa di ta prefera pa Speed keda inactivo cu pago pa algun dia, relaciona cu un
investigacion cu nan kier realisa toch. Ey Diario lo kier revisa e grabacion bon pa por tin un bon idea di e
preguntanan cu e periodista a haci na e Minister y si esey por catalogra como ofensivo.
Manera ta conoci, Nelson Andrade durante un conferencia di prensa yama pa Minister Otmar Oduber,
precisamente pa contraresta ponencianan di e miembro di prensa, a lansa varios pregunta riba posibel
envolvimento di e mandatario den algun compania. Ora a puntra si e Minister conoce e compania Graphics and
Beyond, el a admiti cu e tabata doño pero a cer'e prome cu eleccion. Ora a puntr'e si e ta doño di Power FM, e
mandatario a rabia y pidi Speed pa e hala su pregunta/insinuacion aden sino e lo demand'e na Corte. Te awe
ainda no a haya notificacion di dicho caso, aunke cu e mandatario a anuncia ayera cu e caso ta continua.
Pa loke ta Diario, e ekipo defensor di e periodista lo duna e corant un siman pa verifica y investiga e susedido den
e conferencia di prensa y si no tende nada, lo cuminsa un caso sumario pa Speed por reanuda su trabou bek!
Cu e decision di Diario awe, ta un aliento toch di speransa den e lucha pa libertad di prensa. Si den un pais liber
manera Aruba, cu un Minister por manda carta pa un corant y e ta opta pa kita e periodista "op staande voeten",
cu nos lo ta hopi cerca di un dictadura.
Riba red social hopi a puntra nan mes awe si e retiro di Nelson "Speed" Andrade lo por ta un joke di "".

Comentarionan (2)

Mustra/Kita comentarionan
Randolf
March 31, 2016
108.162.238.47
Votes: +12

...