Page 17 - AM250211

Diamars, 11 Februari 2025 AWEMainta INTERNACIONAL 17

DOGE di Elon Musk ta corta $180 miyon

den contractnan di gobierno

DEN un paso pa reduci gasto di gobierno, e Departamento

di Eficiencia Gubernamental (DOGE) di Elon Musk a anuncia
e cancelacion di mas di $180 miyon den contractnan for
di e Departamento di Salud y Servicionan Humano (HHS).
Entre e contractnan termina ta un alocacion di $170,000

cu tabata designa pa un exposicion di museo di Fauci, loke
a lanta debate riba gastonan di gobierno y prioridadnan di
presupuesto.

E decision pa para e contractnan aki ta alinea cu e defensa
di Musk di hopi tempo caba pa responsabilidad financiero
y eficiencia den operacionnan di gobierno. Desde cu el a
asumi un rol prominente den reformanan di maneho, Musk a

enfatisa e necesidad pa elimina gasto innecesario y redirigi
fondo pa prioridadnan nacional mas urgente. E ultimo paso
aki di DOGE ta señala un cambio den politica fiscal, enfo-
cando riba corta proyectonan no esencial y reduci presu-

puesto di gobierno.

E cancelacion di financiamento pa un exposicion di museo di
Fauci particularmente a hala atencion. Mientras cu sostene-

donan ta argumenta cu e exposicion lo a sirbi como un
registro historico di e rol di Dr. Anthony Fauci durante e
pandemia di COVID-19, criticonan ta afirma cu e ta repre-
senta gasto innecesario di gobierno na un momento cu

desafionan economico ta persisti. E decision di Musk a inicia
un debate riba cual proyectonan di gobierno ta realmente
esencial y cualnan mester ta suheto na cortenan di presu-
puesto.

Mas leu cu e terminacionnan di contract di HHS, DOGE ta
raporta cu ta revisando contractnan federal adicional pa
identifica mas medidanan pa spaar gastonan. E administra-

cion di Musk a indica cu mas recortenan por ta bin den varios
agencia di gobierno, reforsando e compromiso pa reduci
ineficiencia burocratico y sigura cu placa di contribuyente
ta wordo gasta responsabelmente.

Mientras cu e cambio di politica aki ta desaroya, sostene-
donan ta elogia e accion duro contra gasto excesivo, mien-
tras cu criticonan ta argumenta cu algun contract cancela

por impacta programanan vital. E efectonan a largo plaso di
e cortenan di presupuesto aki ainda mester wordo mira, pero
un cos ta sigur—e iniciativa DOGE di Musk ta reformando
e paisahe financiero di gasto di gobierno, cu un mensahe

claro cu responsabilidad y eficiencia awor ta prioridadnan
principal.