Page 23 - MIN TTC 21 NOV 2015

B12

tendenciaDiasabra 21 November 2015

Mosterd : e color nobo na moda

Ilumina y intenso, e tono aki ta haci cu bo ta destaca unda cu bo bay…
Geel ta un di e colornan mas complica pa combina y si bo no ta su fan, probablemente lo bo
limita e color ey den bo cashi paña. Mosterd , sinembargo, aunke cu e ta un derivado di geel tin
e gran bentaha di ta mas scur, lo cual ta duna rikesa y textura na bo look.
Cu notanan oraño y un briyo particular di oro ta un faborito cerca e creadonan y editornan di
moda den e temporada aki. Si bo kier incorpora mosterd den bo vestuario, sigui lesa y lo bo
descubri cu e color aki ta combina cu casi todo:

Prenda unico
Un manera mas simpel di adapta e tendencia aki na bo estilo diario ta haciendo uzo di un solo
pieza, es decir, un carson, un saya -unicolor cu aplicacion of print, un sweater cu garganta “V”
of, tambe, un cartera. Mosterd ta bay bon cu blanco, negro, blauw marino, shinishi y lila cla, y
bo por varia segun bo gusto.

Dos of tres tono
Pa crea un trahe moderno sin parce un copi saus bruha, e miho cos ta cu bo mantene bo mes
na tres tono. Por ehempel, un carson cu liña recht of un saya mat, flanel cu diseño grafico y
un tas cu strep color mosterd.

Jeans
Maske cu bo no ta kere , e color mosterd ta bay hopi bon cu pañanan di jeans, desde esunnan
mas cla te na esunnan mas scur. Trata di crea contrast entre pañanan cu print cu esunnan blauw
pa salimento casual.

Otro ideanan
Si ainda bo no ta convenci pero bo kier agrega mas color na bo style di bisti, opta pa acesorio
manera un pashmina-, of un par di sandalia color mosterd. Dentro di poco abo ta den ten-
dencia.