Page 48 - AVP

Melvin Tromp Di Partido AVP – Mas Prueba Cu

Prome Minister Ta Beneficia Bufete Di Abogado Den

Cual E Tin Interes Aden

 Local
- 03/12/2019

Despues cu siman pasa e miembro di partido AVP, sr. Melvin Tromp a entrega un keho
na Ministerio Publico contra di Prome Minister Evelyn Wever Croes pa decisionnan cu ta
mustra cu e ta faborece e bufete di abogado den cual su persona tambe ta forma parti di
esaki, AVP a haya mas prueba cu enberdad ta confirma e sospechonan aki.

Melvin Tromp diamars mainta a presenta na oficina di Ministerio Publico cu mas prueba
riba e practica di Prome Minister, den cual ta mustra ainda mas cu enberdad e prome
mandatario ta sigui faborece e bufete di su tata den cual e tambe tin participacion.

“Ora cu Prome Minister Evelyn Wever Croes kier papia di integridad, e tin cu practica
loke e mes ta predica y esaki no t’e caso cu su persona, sigur mirando documentonan cu
nos a haya den nos brievenbus den ultimo dianan, riba decisionnan cu su persona a tuma.

Ya caba siman pasa nos a entrega keho cu diferente prueba cu e peticion pa Ministerio
Publico cuminsa c’un investigacion, pero nos a bolbe haya mas documento for di pueblo