Page 57 - KPA

Cuerpo Policial, KIA y CEA a firma acuerdo di cooperacion

Monday, 26 June 2017 21:09
Comparti

Tres Departamento di Husticia a firma un acuerdo di cooperacion. KIA, Polis y CEA a firma e acuerdo.
Minister Arthur Dowers durante e conferencia a duna un splicacion riba e importancia di e acuerdo di
cooperacion aki. Esaki tabata un momento importante pasobra e ta confirma e cooperacion cu tin entre e
diferente departamentonan. Esaki a wordo splica na algun ocasion cu husticia por funciona optimal y
saca maximal di e capacidad cu tin na proteccion y di nos pueblo, si nos uni forsa. Esaki ta un di e
formanan di cooperacion caminda cu ta mustra cu nos mester uni forsa contra di esnan cu kier haci daño
na nos institucionnan y tambe na nos comunidad.
Cu e firmamento di e maneho di cooperacion aki, lo haci un paso tambe den habri of traha mas
transparente cu otro.
Algun tempo pasa a yega na un proyecto completamente nobo na prizon caminda cu a bin cu un
camaratoezicht project den prizon, caminda cu tin un control hopi mas amplio pa loke ta siguridad den
prizon. Un aspecto importante ta cu e ta duna facilidad na esnan cu ta traha den prizon, pero tambe
facilidad tambe na e otro instancianan manera CEA, cu ta e first responder ora cu tin cualkier crisis of
menasa den prizon y Cuerpo Policial como second responder, esun cu ta reacciona den un di dos
instancia. Hasta asina awor aki ta trahando riba e proceso pa den e crisis centrum cu ta ubica na Cuerpo
Policial, na momento cu tin algo grandi sosode den comunidad, tur autoridad competente, manera
Procurador General y diferente autoridad policial/hudicial ta reuni eynan y tin momento cu tin hasta
bestuurders si esey ta rekeri, pa bin eynan. Eynan tambe nan lo por haya oportunidad pa por mira e ora
kico ta tumando luga, manera den prizon.
Un proceso importante pasobra a pasa aden den un crisis asina aki caba. Por corda e momento ey, tabata
tin hende cu mester a sali for di cuerpo policial bay den prizon. E tempo ey, sr. Tjon, como inspector di
polis, a bay drenta prizon pa haya un impresion kico ta pasando y tambe e minister mes a yega prizon.
Den e crisis centrum minister por a mira con complica e comunicacion ta for di e crisis centrum pa
prizon, un luga grandi cu mayoria hende cu ta di pafo cu mester bay asisti, no conoce e luga hopi bon y
esey a haci toch cu e comunicacion ta bay complica y e forma pa bo responde y cantidad di tempo cu ta
tuma pa responde, ta bira mucho mas hopi, segun e minister.
Minister Arthur Dowers a splica cu e ta bay riba un cooperacion di mucho mas cos. Ta confirma cu kier
pone den plan di maneho un fundeshi pa tur departamento traha optimal y esaki ta wordo construi. E
fundeshi ta bon traha y mester mantene loke tin. Ora bo traha un fundeshi y traha un edificio riba dje, e
edificio aki tambe ta wordo afecta door di condicionnan manera di tempo y otro sorto di cosnan cu
mester mantene. E fundeshi mester ta bon traha pa e bay hopi aña. Ta un di e partinan importante di e
inversion aki, e minister a comenta.