Page 60 - MIN ON

Mi ta sinti sumamente contento, satisfecho y agradecido na cada un di mi 2399

votadornan cu a deposita nan confianza den mi persona. Cu tur humildad mi kier gradici

nan di mas profundo di mi curason. Mi kier a gradici henter di D TEAM cu a yudami

durante 4 anja largo. Un team di voluntarionan di berdad cu a traha incansablemente cu

hopi energia pa nos logra e cambio.

E sosten ricibi durante eleccion dia 22 september ta un stimulo grandi pa sigui traha mas

duro pa progreso y biniestar di e pueblo aki.

Nos a hiba un campanja limpi y nos a hiba un campanja di cambio. Pueblo a sa di accepta
nos mensahe y esaki a keda demostra den e votonan. Ta obvio cu e resultado di dia 22 di

September a manda un senjal cla y raspa pa partido AVP. E mensahe ta cu pueblo a

rechasa corrupcion y pueblo a rechasa gobernanten irresponsabel cu no a traha pa pueblo

sino pa un grupito. Partido AVP a haya e derota mas grandi den nan historia perdiendo

mas cu 11.000 votador.

Nos pueblo a pidi cambio y pueblo a logra e cambio. Partido MEP a conoce un

crecemento di mas cu 25% y pueblo a scohe pa un cambio di direccion.

Nos tarea no lo ta facil y tin retonan hopi grandi cu mester wordo soluciona. Nos ta cla pa
asumi nos respnsabilidad y nos ta cla pa atende cu tur e problemanan cu pais Aruba tin na

e mihor manera posibel. Nos tin un tremendo equipo y nos kier traha pa progreso y

biniestar di cada ciudadano.

Nos sigur lo bin cu cambionan progresivo caminda pueblo lo sinti y nota e diferencia den
gobernacion. Nos lo hiba un gobernacio transparente caminda tur hende ta conta y

participa.