Page 25 - KPA FLIP 8 JULY 2017
P. 25
ORANJESTAD.- Ayera mainta, un grupo di Polis a cumpli cu yamada di dirigencia
di Sindicato di Polis, pa acudi na Warda di Polis na Oranjestad pa demostra nan
malcontento cu Mando Policial pa loke t’e maneho. A bay asina leu, cu SPA a
laga sa di no tin confianza mas den Alto Comisario Dolfi Richardson.
Segun un di e voceronan, e malcontento aki ta data for di basta tempo caba y
awor nan kier un cambio. Pero e ta masha riparable cu awor cu SPA a haya un
directiva nobo, encabesa pa E.V.O. Maduro, cu de pronto a malcontento aki ta
keda manifesta, dunando mas bien indicacion cu e actual Directiva ta critica e
directivanan anterior di SPA, cu lo no a haci net nada y awor nan lo a bin pa
regla tur esaki.
