Page 8 - AM211025

8 AWEMainta .com Dialuna, 25 October 2021
Dama chauffeur basta burachi deteni dilanti aeropuerto

Diasabra anochi laat, polis lo mester a intercepta
un auto bahando di Green Corridor, cu lo tabata
yegando rotonde di Aeropuerto.

Segun testigonan, e auto un Toyota Corona lo tabata
coriendo masha malo mes riba caminda. Esnan
cu a mira esaki mesora a bati alarma, debi cu den
cualkier momento nan lo a premira un accidente.

Riba rotonde di Aeropuerto el a bira bay zuid,
kizas e lo por a spot Polis. Pero e tambe a wordo
capta debi cu tabatin hende su tras. Polis a drenta
den verboden richting y na salida parti pariba di
Aeropuerto a blokia e Toyota. Na stuur tabatin un
dama kende tabata bastante bebi.

Agentenan a bahe for di auto y a trata na pone supla,
pero esaki a bay cu bastante dificultad unda cu na
final e muher mes a bira pa Polis areste.

Diasabra anochi Polisnan haciendo un bon trabou,
a logra kita varios chauffeur burachi for di caminda.
Esaki ta personanan iresponsabel, cu ta subi tras di
stuur bou influencia di alcohol.

Nan no sa e peliger cu nan ta trece riba caminda,
unda cu nan lo por causa un desgracia grandi pa
hende inocente.

Transportwagen a wordo pidi y a transporta e dama
pa warda unda e lo wordo presenta Hulp Officier
van Justitie y si ta corecto lo wordo sera pa core
auto burachi.

STATEN VAN ARUBA

OPENBARE VERGADERING OP 26 OKTOBER
2021 OM

9:00 UUR V.M. IN DE VERGADERZAAL VAN DE
STATEN VAN ARUBA

TE BEHANDELEN ONDERWERP

Agenda:

1. Ontwerp-landsverordening tot wijziging van de
Landsverordening beperking tabaksproducten
(AB 2016 no. 44)

De Griffier,
mr.drs. Herman Ch. J. Hek

Het publiek zal tot de onderhavige vergadering toegelaten
worden rekening houdende met de aankondiging door
de regering op 5 augustus 2021 inzake de preventie van
de verdere verspreiding van het COVID-19 virus. Het
publiek wordt verzocht om tijdens de vergadering zo
veel mogelijk uw mondkapje op te hebben. Uitsluitend
leden van de pers kunnen tot de zogenaamde persboxen
toegelaten worden.