Page 35 - AHATA
P. 35
Ningun caso di Coronavirus na Aeropuerto di
St. Maarten
February 17, 2020
0
SHARE
Facebook
Twitter
- Advertisement -
ORANJESTAD (AAN): Un video a cuminza circula riba Social Media, di un pasahero den
rolstul y cu nan ta aparenta cu e lo tin sintoma di Coronavirus na Aeropuerto di St.
Maarten.
Pero segun e Chief Operations Officer Michel Hyman, no tin ningun motibo pa bay den
panico. E ehecutivo di Princess Juliana International Airport a indica cu e pasahero riba
e video no tin sintoma di e Virus.
“A wordo insinua cu e pasahero ta infecta cu e Coronavirus, y aworaki nos ta confirma
cu no tin ningun motibo pa panico, como cu esaki no ta e caso,” Hyman a bisa.
E pasahero tabata un homber Filipino cu tabata viahando di Manila (Filipinas) pa Tortola
(British Virgin Islands). El a yega St. Maarten riba Diabierna merdia via un vuelo di
KLM.
Segun Aeropuerto, e pasahero tabata sinti basta marea y despues a hasta vomita. E
team di Rescate di Aeropuerto a bay dune asistencia. E pasahero a wordo hiba pa e
sala di isolacion di Aeropuerto, unda un docter a samina e persona y check si e tin
sintoma di e Virus, y a puntre tambe pa haya sa si el a wordo posiblemente exponi na e
virus.
