Page 68 - MIN SJA 1 OCT 2015
P. 68
Workshop Idea tawata hopi
informativo
Thursday, 01 October 2015 08:56
Comparti
Diasabra ultimo dia 26 september 2015, Idea (Iniciativa pa Desaroyo pa Empresa Arubano) a organisa e
workshop “The Best Ways to Advertise your Small Business”.
E workshop a wordo dividi den tres parti. E prome parti Sr. Rudwin van der Biezen di Hogeschool
Rotterdam-Small Business & Retail Management a presenta “How to Promote your Small Business”. Den
e parti aki Sr. Rudwin a pone hopi enfasis riba e parti di media social y a splica con efectivo e ta pa hasi
uso di digital marketing. Den e segundo parti di e workshop, Sr. Derek de Nobrega, Managing Director di
Gianni’s Group N.V., a presenta “Why is a Logo So Important to Your Business?”. Den e segundo parti aki
Sr. Derek a splica e.o. e importancia pa scoge e bon color pa diseña un logo y tambe e 5 principionan pa un
diseño di un logo ta efectivo. E ultimo presentacion a wordo duna dor di sr. Miguel Arrebola Ortiz,
Marketing & Sales Manager di Gianni’s Group N.V.
Sr. Miguel a presenta “Psychology of Sales and The Human Mind”. Punto nan importante cu a wordo
presenta den ultimo parti, tawata e.o. con importante un analisis pa bo negoshi ta, e importancia di
expresion di curpa ora di comunica cu otro y con pa mantene y promove e red social pa bo compañia y
mucho mas.
Un workshop sigur hopi interactivo y un tremendo presentacion di parti Sr. Rudwin van der Biezen, Sr.
Derek de Nobrega y Sr. Miguel Arrebola Ortiz.
Idea ta sumamente contento cu e acogida di e workshop menciona y e bon comentario nan ricibi di su
participante nan. Tambe Idea kier remarca cu nan workshop nan ta gratis y ta dedica na un y tur cu kier
cuminsa un negoshi of tin un negoshi existente y kier educa nan mes riba diferente topico nan comercial.
Un danki na tur e participante nan y un danki special na e presentador nan voluntario cu a comparti nan
experticio durante nan ora liber cu tur esnan presente. Idea ta gradici inmensamente La Trattoria El
Faro Blanco Restaurant cu a sponsor Idea cu giftcertificates pa e presentadornan y tambe na tur e
coleganan di DEZHI cu a yuda na un of otro manera. Keda pendiente pa mas workshop organisa dor di
Idea. Bo kier keda up-to-date cu Idea? Like nos Facebook page: Idea-Aruba.
Abo tin un Idea? Haci bo Idea realidad. Bishita Idea na Departamento di Asuntonan
Economico, Comercio y Industria, na Sun Plaza di dos piso, y nan lo yudabo cu tur
informacion y guia necesario.
http://www.24ora.com/local-mainmenu-5/100228-workshop-idea-tawata-hopi-informativo
