Page 18 - HOH

E Pakico Di AZV

 Local
- 05/12/2019

AZV en conexion cu e Universal Health Coverage Day (e dia ey ta otro siman y AZV ta
cuminsa manda un serie di comunicado relaciona cu e topico aki).
E prome añanan di Organo Ehecutivo AZV ta wordo considera esnan mas turbulento
unda tabata tin hopi discusion tocante e contractonan y hasta casonan den Corte.
Dentro di tur e ‘discusionnan’ aki tabata lubida e motibo principal pakico a institui AZV.
Preparando p’e celebracion di tur pais cu tin un seguro cu cobertura universal pa su
cuidadanonan, AZV ta repasa e motibo principal pa cual a institui e seguro medico
general (basico) pa Aruba.

1988
Tabata na aña 1988 (net 2 aña despues di Status Aparte) cu e idea a wordo treci den
Parlamento dor di señor Charro Kelly. E situacion na Aruba e tempo ey tabata uno unda e
poblacion tabata pasa duro ora cu malesa bati na porta.
Algun hende tabata bon para cu un seguro medico di nan mes, otro tabatin uno pa medio
di nan trabou y otro no tabatin nada of mester a keda satisfecho cu e servicio medico pa
medio di e asina yama ‘ppk-kaart’ (=e caarchi di Gobierno).
E pensamento cu mester yuda e ciudadano ora e haya un malesa a wordo apoya y ya na
1992 esnan cu ta scirbi ley a prepara esaki y e ley AZV a wordo acepta unaninamente.
1992-2001

Awor cu e ley AZV tabata scirbi, a tuma hopi aña p’e preparacion ‘practico’, esta cu
mester a para keto na con ta bay realmente introduci e ley AZV.
Diferente stakeholders a wordo envolvi manera e gremionan, e sindicatonan, e seguronan