Page 4 - MIN SOC 13 NOV 2015

Diabierna 13 November 2015 Pagina 15

Cosnan raro ta sigui cu containernan sella

Varios douanero suspendi y awor ta kibra horta for di
container sella

Recientemente a detene
como sospechoso doño di
un compania di cargo hopi
conoci. Esaki pa motibo di
manipulacionnan dudoso
cu containernan y carga
cu ainda ta sella cu a sali
den un forma straño for
di waf. For di algun dia
caba e informe aki ta den
nos file pero a warda pa
haya mas detaye y no a
publica nada pa no daña
e investigacion. Pero
diahuebs mainta si esaki
a bolbe bin ariba y a duna
esaki na conocimento
publico. Esaki despues cu
desconocidonan a kibra,
drenta y horta den un
container sella cual tabata
den un area restringui.
Nos lo sigui informa!

Problema den Semeleerstraat a termina na detencion di un
pacient di Paaz

Diarazon anochi den careda di 9’or
varios patruya ta bay den Semeleerstraat
pa supuesto tironan cu a ser scucha.
Na yegada a resulta cu tabata trata di
problema entre dos bisiña, motibo no ta
conoci. E motibo pakico tambe varios
patruya a bay ta pasobra cu un di esnan
envolvi ta un pacient di Paaz, esta e lo
ta sufri di un of otro enfermedad mental
y por ta peligroso. Na prome instante e
cabayero aki no tabata na e cas, pero
despues di un rato cu el’a yega bek
patruya na e sitio a detene y trece warda
di Shaba