Page 21 - DESPA

Jerry Staring: Ordenansa di Malesanan Contagioso ta anticua
y ta cla pa wordo cambia

Thursday, 08 June 2017 17:49
Comparti

Waterpokken of bruela, ta un malesa contagioso, segun Jerry Staring kende ta director di Salubridad
Publico. Dokternan tin cu meld e malesa na DVZ. Hopi biaha e no ta wordo haci, pasobra e ta wordo
considera un malesa contagioso cu no tin hopi complicacion. E ta trece hopi incomodidad pa e
personanan cu ta haya bruela, pero e ta keda un malesa contagioso.

Ta papiando di dos dia prome cu e blaasnan y te ora cu e blaasnan seca e ta contagioso. Staring ta sigui
splica cu e no ta hinca den e ley. E ta un Landsverordening Besmettelijke Ziekte, cu ta origina for di 1870.
Durante añanan el a wordo ahusta, pero ta bezig ta cambiando full e sistema di ley na Salubridad Publico
y e Landsverordening Besmettlijke Ziekten ta bay wordo cambia pa LV Infectieziekten. Den e LV
Infectieziekten no ta wordo papia mas di malesanan na nan nomber, pero mas e gruponan. Esey ta bay ta
mas duidelijk y no ta haya cu ora bin un malesa nobo cu no ta conoci ainda, e no por wordo considera
como un malesa contagioso. Den e caso por ehempel a wordo confronta cu Ebola.

Ebola mester a wordo añadi den e ley, pasobra e no tabata hinca den e ley bieu. Con ta midi e malesanan
Staring a sigui splica cu na momento cu un persona ta malo, e tin cu bay na su dokter di cas y e ta dicidi e
regimen pa e persona por recupera mas pronto posibel. Hopi biaha ta haya peticion di personal cu tin yiu
cu tin bruela. Tin varios dokter na Salubridad Publico pa pidi conseho pa cuanto dia ta recomendabel
keda cas. Basta aña ta hanteer cinco dia cu un mayor ta haya pa keda cas pa cuida su yiu. E ta keda un
malesa contagioso, pero ta mas e incomodidad cu ta fastioso. E por tin su bijwerking, pero ta masha poco
cu esey ta pasa. Salubridad ta hanteer cinco dia si no tin ningun otro indicacion.