Page 68 - HOH

A indica cu dia 4, 5 y 6 di December lo bay haci e prome operacionnan di catarata na
ImSan. Esaki semper a wordo haci na Dr. Horacio Oduber Hospital, pero awor ta bay
haci nan tambe na ImSan.

Dr. Rajnherc a duna di conoce cu e supplier tambe ta bay ta presente pa yuda cu
cualkier cos cu por surgi cu e aparatonan. E tecniconan mas sofistica ta bay ta presente
pa duna asistencia den caso necesario.

A enfatiza cu no ta verwacht nada pero ta miho premira cu despues tin problema.

DOCTER DI WOWO ARUBIANO NA CAMINDA

Problemanan di wowo na Aruba ta hopi grandi, segun e director di ImSan. E medico a
indica cu nan ta spera cu otro aña por tin otro specialista di wowo arubiano bin Aruba
pa traha na ImSan.

Mientras tanto ta buscando un reemplazo temporario p’e te ora cu e por yega Aruba, a
señala.

Aworaki tin 4 specialista di wowo na Aruba y tin asina tanto pashent di wowo y ya caba

tin un wachtlijst a pesar di tur cos cu ta purba di haci pa zorg cu esey no tuma lugar,
cu ekipo mas moderno cu ta traha mas lihe, toch ta wak cu e cantidad di pashent di
wowo, a base di e biehes di e pueblo, di un estilo di bida no saludabel, cu obesidad,
problemanan di diabetes, sistema vascular, ta duna problemanan di wowo tambe., a

remarca.

https://www.diario.aw/2019/11/imsan-lo-realiza-e-prome-operacionnan-di-catarata-otro-siman/